1. ¿Chaw Dios ñi pin mu may sufrikeiñ iñchiñ?
¿Chumngelu falin-ngey kimal tüfa?
Fentren che ‘Chaw Dios ta kutrankachekey’ pikey, feymu maneluwkelay kidu mew. ¿Chumngelu femngechi feypikey ta che?
Rakiduamnge tüfa
Fentren religioso rakiduamelkefi ta che Chaw Dios ñi pin mu kutrankawkey pu che. Tüfa kiñeke dungu tañi kimeltuel engün:
Rupan mu fütra wedake dungu, “Chaw Dios tañi elel tati” pikeyngün.
Lan mu pichikeche, “Chaw Dios duamniefuy kiñe küme püllü wenu mu, feymu yeeyew” pikeyngün.
Mülen mu weychan (fütra kewan), pu religioso feypikeyngün: “Chaw Ngünechen kelluntukukey weychan mu” pikeyngün.
Welu, ¿rüfngepey may tañi kimeltuel pu religioso?
¿DOY KÜPA KIMFUYMI?
Taiñ sitio jw.org mu, peaymi ti video ¿Chumngelu am müley tami chillkatual ta Biblia?
¿Chem kimeltukey Biblia?
Chaw Dios kutrankakelaeiñmu.
Ngüneduamnge ñi chumngen ta Chaw Dios. Biblia feypi:
‘[Chaw Dios] nor dungu mu amukey kom tañi rüpü [...], nor piwkengey ka wedañmawkelay’ (DEUTERONOMIO 32:4).
“¡Rakiduamfalngelay Chaw Ngünechen ñi femal wedake dungu, ka ñi wedalkayal tati Kom Pepiluwün-nielu!” (JOB 34:10).
‘Chaw Ngünechen welulkakelafi tati nor dungu’ (JOB 34:12).
Chaw Dios ayükelafi tati pu religion feypikeyngün koylake dungu kidu mu.
Feley, fentren religioso feypikeyngün Chaw Dios ñi pin mu kutrankawkeiñ, kakelu religioso koneltukey weychan mu, kom tüfa engün Ngünechen ta famentukeeyew. Ngüneduamnge ñi feypin Chaw Dios:
“Tati pu werken, iñche tañi üy mu koyla dungumekeyngün. Welu iñche turpu werkülafiñ engün, elfalkünulafiñ ka werkül-lafiñ chem tañi feypial engün. Tañi amuldungumeken engün re koyla dungun-ngey [...] ka kidu engün tañi ngünenkan entumekeyngün” pi Chaw Ngünechen (JEREMÍAS 14:14).
Jesus famentufi tati pu religioso wedake dungu femkelu.
“Kom tañi feypikeetew: ‘Ñidol, Ñidol’, konpulayay engün ta Ngünechen tañi [Gobierno] mew. Tati femkelu may iñche ñi Chaw wenu mapu mülelu ñi ayükeelchi dungu, konpuay tüfey mew. Feychi antü ta fentren che feypiaenew: ‘Ñidol, Ñidol’, iñchiñ ta dungukeiñ eymi tami üy mew. Eymi tami üy mew wemünentukeiñ weküfü, ka eymi tami üy mew femiyiñ afman-ngechi dungu. Welu feymew iñche llowdunguafiñ: ‘Chumkawnorume kimuwkelayiñ. ¡Kiñe püle tripamün iñche mew, wedake dungu femkelu!’” (MATEW 7:21-23).