4. Chaw Ngünechen may, ¿re taiñ kutrankawal müten elkünupeeiñmu?

¿Chumngelu falin-ngey kimal tüfa?

Kimliyiñ tüfa, maneluwküleafuiñ taiñ küme feletual.

Rakiduamnge tüfa

Kom tañi elel Chaw Dios tüfachi Mapu mu rume tutelkaley, fey ¿chumngelu kay elkünuafeiñmu re taiñ kutrankawal müten?

Fentren che koneltukenolu kiñe religion mu feypikey: “Rume kutrankawün müley, fey ¿rüf duamniepeeiñmu may Chaw Dios?”. Ramtuwkey kütu: “¿Rüf feyngey ñi mülen ta Ngünechen?”. Rume kutrankawün mülelu, pu che rakiduamkey 1) Chaw Ngünechen pepiluwkülelay ñi apümkayafiel tati kutrankawün, 2) Chaw Dios pilay ñi apümafiel ti kutrankawün, ka 3) “ngelay ta Ngünechen” feypikey engün.

¿Rüfngepey may ñi feypikeel tati pu che?

¿Chem kimeltukey Biblia?

Chaw Dios elkünulaeiñmu taiñ kutrankawal.

Kidu ayüniey taiñ ayüwküleal. Ngüneduamnge ñi feypin Biblia.

“Tati doy küme dungu kidu engün ngealu: ñi ayüwküleal ka ñi femal kümeke dungu tañi mongen mew, ka kom che müley tañi iyal, ka tañi putual, ka ñi ayüwküleal fente tañi küdawün mu. Fey tüfa Chaw Ngünechen ñi wülkeelchi yewün [regalo]” (ECLESIASTÉS 3:⁠12, 13).

Chaw Ngünechen dewmafi ti wünen kurewen, fey elufi kom tañi duamyeal engu ka ñi ayüwküleal.

Chaw Ngünechen elkünulafi ti wünen kurewen ka tañi choyün ñi kutrankawal. Ngüneduamnge ñi feypin Biblia.

“[Chaw Dios] feypifi ñi küme pin feyta famngechi: ‘Nieaymu rume fentren püñeñ. Apolfimün ta Mapu ka kidu ngünetunieafimün ka ngen-ngeaymün tati pu challwa mew ka ti pu üñüm mew ka itrokom ti pu kulliñ winolkiyawkelu mapu mew’” (GÉNESIS 1:⁠28).

Ti wünen epu che eluwlayngu ñi ngünenieaetew ta Ngünechen.

Tañi kidu ngünewün mew, rume kutrankawingu ka femngechi kutrankawi tañi pu küpanche. Ngüneduamnge ñi feypin Biblia.

‘Femngechi llemay, kiñe wentru mew müten müley ta culpan Mapu mew ka femngechi müley ta lan dungu. Fey tati lan dungu müley itrokom che mew, itrokom che culpanchengelu am’ (ROMANU 5:⁠12).a

Chaw Dios eleiñmu Mapu mew kidu taiñ ngünenieaetew.

Feymu ngen-ngelaiñ taiñ ngünenieafiel kakelu pu che. Rakiduamnge tüfa: iñchiñ elngelaiñ taiñ mongeleal pu challwa reke lafken mu. Ka femngechi elngelaiñ taiñ ngünenieafiel ta kakelu che. Ngüneduamnge ñi feypin Biblia.

“Tati pu che trekalelu, ngen-ngelay ñi adkünual kidu tañi trekan no rume engün” (JEREMÍAS 10:⁠23).

Chaw Ngünechen ayükelay taiñ kutrankawal.

Chaw Dios ayüniey taiñ inayal kidu tañi ngülam, femngechi kon-noal wedake dungu mu. Ngüneduamnge ñi feypin Biblia.

‘¡Ngüneduamniefulmi iñche tañi ngülam! Fey tami tüngün kiñe lewfü reke feleay’ (ISAÍAS 48:⁠18).