Ngünechen amuli itrofill ñi dewmael

KOM KÜMEKE dungu taiñ nieel, Ngünechen mu tuwi. Kidu dewmay ta Antü elueiñmu pelomtu antü, Küyen, ka wangülen taiñ pelon-ngeal pun (trafia) mew. Ka tüfachi Mapu taiñ mongeleam fey mu.

Welu Antü, Küyen, wangülen ka tüfachi Mapu wüne dewmalay Ngünechen. ¿Eymi kimimi chem dewmay wemaltu mu? Ngünechen dewmay pu werken kümeke püllü. Tüfa engün pekelafiyiñ, ka femngechi pekelafiyiñ Ngünechen. Kidu dewmay pu werken kümeke püllü tañi mongeleam kidu engün wenu mapu mu.

Wünen werken küme püllü Ngünechen ñi dewmael, müna sakin-ngey. Fey Ngünechen ñi wünen Fotüm, ka küdawi ñi Chaw engu. Kellufi ñi Chaw, ka itrofill ñi dewmayal. Kellufi ñi dewmafiel Antü, Küyen, wangülen, kafey taiñ Mapu.

¿Chumlekefuy Mapu kuyfi mu? Feychi mu, ngekelafuy che, chem no rume. Mülekefuy kiñe fütra lafken müten, takulefuy kom. Welu Ngünechen ayükey ñi müleal che tüfachi Mapu mew. Fey mew, llituy ñi pepikafiel kom iñchiñ mew. ¿Chem chumi?

Wüne tüfachi Mapu duamniey pelom. Feymu lle, Ngünechen femkünufi ñi pelom Antü ñi wilüfal Mapu mew. Femi tüfa ñi müleal pun ka müleal antü. Fey mew wüla, femkünufi chi Mapu wefpümfi wente fütra lafken mu.

Llitul mew, ngekelafuy chem no rume ti Mapu mew. Trüri tüfachi adentun adkintufilmi tüfa. Ngelafuy rayen (chichiken), anümka, ka kulliñ. Ngelafuy challwa fütra lafken mu. Ngünechen fentren küdaw niefuy tañi pepikayal tüfachi Mapu, ñi küme mongen nieal kom kulliñ ka kom che.