NÜTRAM 70
Jona ka ti fütra challwa
ADKINTUFINGE ti wentru mülelu ti lafken mew. Weda dungu rupaley, ¿rüfkünu may? ¡Feychi fütra challwa lümüaeyew! ¿Eymi kimimi iney am tüfachi wentru? Jona pingey. Peayiñ chumngechi feychi wentru, koni fentren wedake dungu mu.
Jona fey Jewba ñi pelon wentru ngey. Dew lalu ti pelon wentru Eliseo, pichin antü mu wüla Jewba feypifi ta Jona: ‘Amunge tati fütra waria Ninife pingelu. Rume wedake dungu ñi femmeken engün, ka ayün tami dunguafiel ñi wedalkameken engün.’
Welu Jona pilay ñi amual. Feymu lle konpuy kiñe farku amulu kañpüle. Jewba ayülay Jona ñi lefmawal. Feymu lle küpali kiñe fütra kürüftüku mawün. Tüfa doy wedalkalerpuy, tati farku epe ñamkonmekey. Pu marineru rume llükayngün, ka wirari engün tañi pu dio ñi kelluaetew engün.
Af mew, Jona feypifi: ‘Iñche poyenien Jewba, feychi Ngünechen dewmalu ti wenu ka Mapu. Lefmawkülen ñi femnoal tañi feypietew Jewba.’ Feymu tati pu marineru ramtuyngün: ‘¿Chumafuyiñ eymi mu taiñ katrütuafiel ti fütra kürüftüku mawün?’
‘Ütrüftükumuchi lafken mew, ka ti lafken tüngnagay,’ pi Jona. Tati pu marineru pilay ñi femal tüfa, welu doy wedakünuwi ti kürüftüku mawün, feymu ütrüftükungey lafken mu Jona. Tüngnagfemtuy ti kürüftüku mawün, ka ti lafken tüngkületuy.
Petu ñamkonlu Jona ko mew, kiñe fütra challwa lümüeyew. Welu lalay. Feymew Jona küla antü, ka küla pun mülepuy ti fütra challwa ñi pütra mew. Jona rume weñangküley ñi feyentunofiel (müngeltunofiel) Jewba ka ñi amunon Ninife waria. Feymu lle, ¿kimimi chem ñi femün?
Jona llellipufi ta Jewba, ka ‘kelluen’ pifi. Feymu Jewba werküfi ti fütra challwa tañi rapinentukünupatuafiel ta Jona inaltu lafken mu. Fey wüla, Jona amuy Ninife mu. ¿Kimeltulaeiñmew tüfa ta rume falin-ngey taiñ femal itrokom taiñ feypietew Jewba?
Biblia lifru ta Jona.