Kom tati feypiel chi Biblia, femtripakey

Tati Biblia feypikey ti rüf nütram tati rupalu kuyfi mu müten no, welu may ka feypi rupayalu küpalechi antü mu. Iney no rume feypilayafuy chem ñi rupayal tati küpalechi antü mu. Feymu lle kimiyiñ chi Biblia küpaley Ngünechen mu. ¿Chem pi ta Biblia chi küpalechi antü mu?

Dunguley Ngünechen ñi fütra awkan (weychan). Tüfachi awkan mu, Ngünechen liftuafi taiñ Mapu itrokom wedalkan ka wedake che, welu ingkañpeay tati pu poyenieetew. Ngünechen üytufi Jesukristo ñi rey ngeal, elfalkünuafi Ngünechen ñi pu poyenieetew ñi ayüwküleam tüngün ka ayüwkülen mu, ka chumkawnorume ñi kütran-noal ka ñi lanoal rume engün.

¿Rüf ayüwküleafuyiñ may ta Ngünechen ñi dewmayal kiñe we küme rumel mülewe Mapu mu? Welu müley taiñ femal kiñe dungu ayüliyiñ ñi müleal feychi küme rumel mülewe mu. Tüfachi lifru ñi af nütram, kimayiñ chem müley taiñ femal ñi ayüwün-ngechi rupaleal tüfachi afmatufalchi dungu, Ngünechen ñi elkanieel feychi ñi poyenieetew. Feymu lle, chillkatunge tüfachi PURA TROKIÑ, ka inaduamafimi ñi chem pilen ta Biblia tati küpalechi antü mu.