Kiñe we küme rumel mülewe Mapu mu

ADKINTUFINGE tati pu alüpürachi anümka, tati tutekechi rayen (chichiken), ka tati fütrake wingkul. ¿Feyngelay ñi tutelungen tüfa? Pefinge ti püdu kulliñ kechiley petu iy ti pichi wentru ñi kuwü mew. Ka pefinge tati pu trapial (fücha peñi), ka tati pu kawellu witralelu lelfün mu. ¿Ayülafuymi tami müleal ka nieal kiñe ruka tüfachi mülewe mu?

Ngünechen ayüley (küpa) tami rumel müleal kiñe küme rumel mülewe tüfachi Mapu mu, fey mu ngewelayay kutrankawün niekelu tati pu che fachantü. Biblia feypikünuy ñi nieal feychi dungu kom tati mülealu ti we küme rumel mülewe mew. ‘Ngünechen müleay fey engün mu. Ngewelayay ta lan, ngüman no rume, kutrantun no rume. Itrokom mülekefulu kuyfi, rupay.’

Jesu femay tüfachi afmatungechi kangetun ñi feleal. ¿Kimimi chumül ngeal? Feley, dew liftufile chi Mapu itrokom wedake dungu ka itrokom wedake che. Tukulpange, mülepalu Jesu Mapu mu tremolfi (mongeltufi) fillke kutran nielu ta che, ka wiñomongeltufi kiñeke pu che. Femngechi pengeli ñi femal Rey ngele Ngünechen ñi reyno mu.

¡Pellenieymi (pellelimi) müna kümey taiñ müleal ti we küme rumel mülewe mew! Jesu, ka kiñeke ñi dulliel (ngümintuel), ngünenieayngün wenu mapu mu. Tüfachi pu ngüneniealu ngüneytunieafingün itrokom che mülealu Mapu mu, ka kelluayngün ta itrokom che ñi ayüwküleam. Peafiyiñ chem müley taiñ femal Ngünechen taiñ eluaetew afnoachi mongen tañi we küme rumel mülewe mu.