Eimi meu, ¿chem am tati Biblia?

BIBLIA ÑI FEIPILEN

“Com tati huiriconcülechi dungu ti Huirin Chillca meu huiringei Ngünechen tañi adcünuel ca ñi piel meu” (2 Timoteo 3:16, Ngünechen ñi Küme Dungu).

CHUMNGECHI CÜMELCAYAFEIMU

Cüme huiñoldunguquei tati doi falinque ramtun dungu nieel tami mongen mu (Proverbios 2:1-5).

Niei falinque ngülam tami cümelcaleam fill antü mu (Salmo 119:105).

Rüf maneluhun tami nieal cüpalechi antü mu (Romanos 15:4).

¿RÜF FEYENTUPEAFUIÑ MAI CHEM PIN TA BIBLIA?

Mai, mülei cüla dungu:

• Chumcaunorume huelulcauquelai. Ti Biblia huirintucungei quiñe huaranca cayu pataca tripantu mu chi, ca meli mari huentru chi huirintucuingün. Epe com tüfachi huentru hueluquentu quimuuquelafuingün rume, huelu tati Biblia huelulcauquelai, ca quiñe dungu müten inaniei.

• Rüf piuque mu feipingün tati pu huirintuculu. Tati pu huirintuculu chi Biblia ellcalaingün quisu ñi huesaque femün, ca tañi pu che ñi huesaque femün no rume (2 Crónicas 36:15, 16; Salmo 51:1-4). Huelu tati pu huirintuculu caquelu lifru ellcaqueingün cütu tañi pu che ñi hueungen engün.

• Tañi pu pelon dungu rumel huechurpuquei tañi piel. Tati Biblia feipicünui petu ñi choyüngenon Cristo doi regle pataca tripantu mu, ñi choyüngeal Belén pichi huaria mülelu Judea mapu mu (Miqueas 5:2). Feimeu, ¿cheu choyüngei Jesús? ¡Belén huaria mu llemai! (Mateo 2:1-6).

  Caquelu pelon dungu mülelu Biblia meu huechurpuquei, com ñi feipin mu. Femngechi llemai felei ñi femal Ngünechen ñi Dungu, ¡rüfcünu llemai! (2 Pedro 1:21).