TROKIÑ 2

Welukonkechi nor piwkeyewaymu

‘Fey ngelay tañi wüdamentumekeafiel Ngünechen tañi trapümel’ (Marku 10:9)

Jewba ayüy taiñ ‘falintuafiel tati nor piwkeyewün püntütripakenolu (pübtripakenolu)’ (Miqueas 6:8). Feymu ngenole yamüwün ngelay maneluwün, fey tüfa rume (mütre) duamfalngey tati pu kurewen mu. Kafey ti maneluwün mew falin-ngey ñi newentuleal tati piwkeyen mew.

Famülke mew, tati nor piwkeyen mu tati kurewen mew kuñiwün-ngechi dungu rupamekey (kuñiwtu dungu upaleyngün). Feymew tami kuñiwtukual (inawmenewabuyngu) tamu kurewen-ngen, müley tami femal epu dungu.

1 DOYÜMFINGE TAMI KUREWEN-NGEN

BIBLIA TAÑI FEYPILEN: “Femngechi kimaymün tamün dulliael tati doy kümechi dungu” (Filipense 1:10). Wüne müley tami doyümafiel tami kurewen-ngen, tüfa ta doy falin-ngey tami mongen mu.

Jewba ayüy tami kompañ müten tami ayüafiel ka mür tamu ayüwküleal mongen mu (Eclesiastés 9:9). Jewba küme feypikünuy tami falintuafiel tami kompañ, feymew müley ñi kintual fillke dungu tañi ayüwelafiel (1 Korintio 10:24). Femngechi tami kompañ ngüneduamay tami rume (mütre) duamnieafiel ka falintunieafiel.

Kiñe füta elufi ñi domo kiñe eñümkülelu chi té; kiñe füta akulu ñi ruka mu ka pefinge ñi domo pepikawmekey iyael

TAMI FEMAFEL:

Müley tami kiñewküleal tami kompañ engu ka küme allkütuafiel chem dungu ñi nieel
Mür eymu mew rakiduamaymi, “iñche müten” pikelayaymi

Kiñe füta ka ñi domo mür ayüwün-ngechi rupamekeyngu kiñe antü lelfün mu

2 KUÑIWTUKUNGE TAMI PIWKE

BIBLIA TAÑI FEYPILEN: “Iney rume lif piwke mew adkintunofile ta kiñe domo, dew ñiway tati domo engu kisu tañi piwke mew” (Matew 5:28). Kiñe che rakiduamkülele podngechi (nüngaybalchi) dungu mew, dew ñiwafi reke ñi domo kam füta.

Jewba feypikeeiñmew taiñ kuñiwtukual taiñ piwke (Proverbios 4:23; Jeremías 17:9). Taiñ dipual, müley ñi kuñiwtukual chem dungu ñi lelikeel (kintulkeel) (Matew 5:29, 30). Inayentufinge (inayepobinge) Job ñi femün, kidutu eldunguwi ñi lelinoal (kintulnoal) ñi illumnoafiel ka domo (Job 31:1). Elduamnge tami lelinoal tati podngechi dungu ñi pengekeel. Chumkawnorume eluwkilnge tami piwke mew ñi ayüal ka wentru kam domo, tami kompañ müten müley ñi piwkeyeafiel.

Kiñe füta ñi küdaw mu niey kiñe adentun chew müley ñi domo

TAMI FEMAFEL:

Pengelfinge pu che kom tami mongen mu, tami rüf doyümniefiel tami kompañ
Fülmanielmi kiñe weni, weda duamle tami kompañ pürüm (pür) püntünentuwnge, femngechi yamnieafimi tami kompañ