5 RAMTUN

¿Chumafun dikümtukungeli colegio mew?

CHUMNGELU FALIN-NGEY

Tami femün mu kümelkatuafuymi ti dungu kam doyelkünuafuymi kütu.

EYMI, ¿CHUMAFUYMI?

Rakiduamnge tüfachi rupan dungu: Nicolas küpa amulay fachantü ti colegio mew. Wüle ka küpa amülay. Küpa amuwekelay. Küla küyen yeniey ñi weda rupameken, feyti mu tañi pu kompañ koylake dungu witrameleyew. Fey wedake üy tukulelngey. Kiñeke mu, tañi pu kompañ tampawfaluwkeyngün tañi rültrekayafiel ta Nicolas ka ütrüfnakümüñmakefingün tañi lifru, ayünolu reke ñi femal femfaluwkeyngün. Kafey, kiñe trokiñ mu kiñe che rültreeyew ñi furi püle, fey wiñokintulu Nicolas, femfaluwingün ñi femkenon. Welu wiya doyeli ñi dungu: Nicolas aneltungey internet mu...

Eymi Nicolas reke rupafulmi tüfachi dungu mu, ¿chumafuymi?

¡FELENGE KA RAKIDUAMNGE!

¡Eymi wewafuymi tati! Ngüfeñpewafuymi kewanon mu. ¿Chumngechi?

TÜNGKÜLENGE. Biblia feypiley: “Tati wedwedngelu, ngünenielafi tañi rakiduamkülen ñi piwke, welu tati kimchengelu ñi tüngün mu ngünenieyerpukefi” (Proverbios 29:11). Tüngkülefulmi, femfaluwülmi rume tami llükalenon, femngechi tami dikümtukukeetew afeluwafuy.
WEDA FEMKEFILNGE. Tati Biblia feypiley: “Wesa femngelmün, wesa femün wiñoleltukelayafimün” (Romanu 12:17). Weda femün wiñoleltufilmi, doyelafimi ti dungu.
FAMENTUFINGE TI WEDA DUNGU. Ti Biblia feypi: “Feychi che kimün nielu ngüneduamkey ti kuñiwün dungu, fey ellkawkey” (Proverbios 22:3). Pepilülmi, lefmawnge tami pu dikümtukeetew mu ka tati kuñiwün-ngechi dungu mew.
WIÑOLDUNGUFINGE ÑI AFMATUWAL ENGÜN. Tati Biblia feypiley: “Tati wiñoldungulu tüngkülen mu, kiñe püle künukey ti illkun” (Proverbios 15:1). Ayengentukünuafuymi kütu. Kiñe dungu: feypingelmi tami motrilen, trükoykünuwafuymi ka feypiafuymi: “Kümeafuy tañi doy tronglileal tati”.
LEFMAWNGE. Kiñe üllcha domo 19 tripantu nielu Nora pingey, kidu feypi: “Amutulmi ñüküfkülen mu, pengelaymi tami kimchengen, tami yafüluwkülen ka tami kim ngünewken, welu tami dikümtukukeetew femngechi che ngelayngün” (2 Timotew 2:24).
DOY MANELUWNGE EYMI MU. Tati pu dikümtukuchekelu ngüneduamkeyngün kiñe che ñi kidutu maneluwkenon ka pu ngüfeñpewkenolu. Welu eluwnolmi tami llükalkayaetew, tüfa engün ngüneduamayngün, fey dikümtukuwelayaeymu.
FEYPILELAFIMI KAKELU CHE. Kiñe domo kimeltuchekefulu, feypi: “Yafültukukefiñ kom tati dikümtukungelu ñi feypial iney am tañi dikümtukumekeetew. Tüfa ñi femafel, ka femngechi kelluay kakelu che ñi dikümtukungewenoal”.

Kiñe weche wentru maneluwkelu kidu mew chaftukefi tati dikümtukuetew — Maneluwkülelmi, doy newen-ngeaymi tami dikümtukukeetew mu.

¿KIMKEFUYMI TÜFA?

Tati pu dikümtukungelu kewangekeyngün, welu feyka müten no, kafey:

Üyawtudungungekeyngün. “Turpu ngoymalayafun ti wedake üy ñi tukulelngeel ka ñi üyawtudungungeel. Weda duamelkeenew tañi illamkangen mu ka tañi pu kompañ trokiwülkefenew ngünam tañi mülen. Kewangefuli, doy kutrankawlayafun” (Celine, 20 tripantu).
Kiñe püle künungekeyngün. “Tañi pu kompañ famentukefenew. Fülkonpun ti mesa mew taiñ trür iyal, mülefulu rume chew ñi anüal, tañi pu kompañ feypikefenew ‘konpalayaymi faw’. Kom feychi tripantu mu ngümalekefun ka püntü ikefun” (Haley, 18 tripantu).
Internet mew dikümtukungekeyngün. “Rüfngenolu trokingeafuy tüfa, welu kiñe che pichi wirintukufule rume ti komputador mew, fey wedalkayafuy kakelu che ñi küme üy ka ñi mongen kütu” (Daniel, 14 tripantu).

**¿CHEM KIMIMI?**
¿FELEY KAM FELELAY?	WIÑOLDUNGUN
1 Fentren warangka tripantu dewma ñi mülen pu dikümtukuchekelu.	1 Feley. Kiñe dungu, tati Biblia feypiley ñi mülefel fütrake witran wentru, ebrew dungun mu Nefilim pingekefuyngün, ka tañi üy pifel “tati pu ütrüfkachekelu” (Génesis 6:4).
2 Kuñiwün-ngelay ñi dikümtukungeel kiñe che.	2 Felelay. Fentren pu wechekeche dikümtukungekelu, langümuwkeyngün.
3 Ñi chaftual tati dikümtukuchekelu, müley tami kewayafiel.	3 Felelay. Tati pu dikümtukuchekelu doy newen-ngeyngün ñi kuerpu mu, feymu kümelayafuy tami kewayafiel.
4 Ngüneduamülmi kiñe che ñi dikümtukungeel, doy kümey tami ñüküfküleal.	4 Felelay. Ñüküfkülelmi, koneltuaymi reke ti dikümtukucheken mew. Doyelafuymi ti dungu, kümelkalayafimi.
5 Fentren rupa, tati dikümtukuchekelu llükanchengenolu femfaluwkey, welu kidutu maneluwkelay.	5 Feley. Kiñeke dikümtukuchekelu doykülelu trokiwkeyngün, welu epe kom engün kidutu maneluwkelayngün, feymu ayükeyngün ñi illamkayafiel kakelu che tañi doy küme duamnagal.
6 Pu dikümtukuchekelu elkünuafuy ñi weda femken.	6 Feley. Kakelu che ñi kellukeetew mu, kümelkatuafuy tañi rakiduam ka ñi femken.