7 RAMTUN
¿Chumafun dikümtukungeli kudumuwün mew?
EYMI, ¿CHUMAFUYMI?
Rakiduamnge tüfachi rupan dungu: Nicol ka Sergio epu küyen müten dakeluniewingu, welu Nicol fentren tripantu trokiwi ñi mür mülen engu. Kom antü werküluwkeyngu ka dungukeyngu telefono mew, ka kimniewingu chem ñi rakiduamkülen petu ñi dunguwnon kütu. Welu Sergio ayülay ñi nütramkayal müten.
Fanten mu, Nicol ka Sergio engu küñatuwingu ka pichi trürüwingu müten. Welu Nicol ayünielafuy ñi femal Sergio ñi rakiduamnieel, welu ayülay ñi ñamümafiel ñi ayün. Kidu rakiduamkey: “Iney no rume doy poyekelaenew chumngechi ñi femkeel ta Sergio”. Ka rakiduami: “Piwkeyeniewlu am iñchiw”.
Feymu dew puwültripantulelmi ñi dakeluwal, ka Nicol reke rupalmi, ¿chumafuymi?
¡FELENGE KA RAKIDUAMNGE!
Jewba elkünufi kiñe yewün reke tati kurewen ñi kudumuwal. Feymu kudumuwülmu petu tamu niewnon, illamkayafuymi reke tüfachi yewün ñi eluel Ngünechen. Elungefulmi kiñe we kamisa, ¿liftuafuymi ti ventana feychi kamisa mu?
Püralmi kiñe fütra anümka mew ka ütrüfnakümuwülmi tami müpüal kiñe üñüm reke, wedalkayafuymi. Ka femngechi rupayafuymi inanienolmi Chaw Ngünechen ñi ley taiñ lif mongen nieal, kiñe tüfa petu ñi niewnon kudumuwün dungu ñi nienoal, tüfa am pekan kudumuwün (1 Tesalonisense 4:3).
Inanienolmi tüfachi ley, ¿chem rupayay? Biblia feypiley: “Tati femkelu fillke pekan kudumuwün eluñmakenolu Ngünechen ñi ley üñfitukefi kidu ñi kuerpu” (1 Korintio 6:18, Traducción del Nuevo Mundo). ¿Chem pifel tüfa?
Ngüneduamngelu tüfachi dungu, kimürpungey, fentren pu wechekeche kudumuwlu petu ñi niewnon, tüfachi wedake dungu mu rupakeyngün:
WEDA DUAMELKEEYEW. Epe kom tati pu wechekeche kudumuwlu petu ñi niewnon, fey wüla rakiduamtukeyngün: “Femürkenoafulu iñche”.
MANELUWNIELAYNGU. Kudumuwlu, kiñeke ramtuwkeyngün: “¿Tunten che engu dew kudumuwi ñi ayün?”.
WEÑANGKÜN. Fentren pu üllcha domo doyümkefingün kiñe weche tañi ingkayaetew, welu doyümlafingün feyti ayülu ñi kudumuwal müten. Ka fentren pu weche ayülafingün pu üllcha pürüm eluwkelu ñi kudumngeal.
Chem kimeltueymu: kudumuwülmu petu tamu niewnon, kidutu illamkawaymi elkünufiel mu kiñe rume falin dungu (Romanu 1:24). Tami kuerpu müna fali. ¡Ngünamkakefilnge!
Ngünewküleaymu tamu kudumuwnoal petu tamu niewnon (1 Tesalonisense 4:3). Kurengelmi kam fütangelmi, fey wüla kudumuwaymu tami afkadi engu. Ka ayüwküleaymu, maneluwküleaymu, küme duamaymu ka weñangkülayaymu, tüfachi duam niekelayngün tati kudumuwlu petu ñi niewnon (Proverbios 7:22, 23; 1 Korintio 7:3).
¿CHEM RAKIDUAMKEYMI?
Kiñe che rüf piwkeyeelmu, ¿ayünielayafuy am tami küme feleal ka ñi kümelkaleal tami rakiduam?
Kiñe che rüf duamtunieelmu, ¿feypiafeymu tami femal kiñe dungu tami weniyenoafiel ta Chaw Ngünechen? (Ebrew 13:4.)