1 KIMELTUN

Ella konlu tami feypin, ayüfalngepe

Hecho 17:⁠22

DUAMFALI TAMI KIMAL: Ella konlu kiñe wewpin kam nütram, tami feypin ayüfalngepe, femngechi tami allkütungeal. Kafey pengelnge chem tami nütramkayal ka chumngelu (chemu) duamfalngey.

CHUMAFUYMI

Ayüfalngepe tami feypin. Feypiafuymi kiñe ramtun, kiñe che ñi rupan, kiñe noticia kam chem rume ñi ayükeel tati allkütupelu.

Petu tami nütramkanon, ramtuwnge: “¿Chem duamniey ti pu che? ¿Chem küdawngechi dungu mu rupamekey?”. Feymu küme adkünunge tami chem pial ellaka mu.
Pengelnge chem tami nütramkayal. Ellaka mu kimfalkünunge chem dungu mu nütramkayaymi ka chumngelu küpa femimi tüfa. Ngoymalayaymi femngechi femal.
Pengelnge chumngelu duamfalngey tami chem feypial. Ngüneduamnge chem ñi duamnieel pu allkütupelu. Fey küme adkünufinge tami chem feypial ellaka mu. Kidu engün müley ñi kimtukual chumngechi kelluaeyew tami feypin.

Pepikawülmi tami wewpitual, ngüneduamnge chem rupamekey pu peñi ka lamngen. Longkontukunienge tüfa, fey pepikange chem tami feypial ellaka ti wewpin mu.