Eimi hueniyeafuimi ta Chau Jehová

Jehová ayüquei tami doi quimafiel. Huelu, ¿chumngechi doi quimafuimi? Eluunge tami doi quimafiel tañi chumngen, tañi ayüqueel ca tañi ayüquenoel, femngechi doi fülconcüleaimi quisu meu. Felei llemai, eimi hueniyeafuimi ta Jehová (papeltuaimi Salmo 25:14). Tüfa tati doi falin dungu tami nieafel. Ngüneduamülmi Biblia ñi feipin quelluaimu tami doi hueniyeafiel.

1. ¿Chem ayüniei Jehová tami femal?

Biblia feipi: “Fülconmün Chau Ngünechen mu, fei fülconai ta eimün meu” (Santiago 4:8). Ñi feipin ta Biblia, Jehová ayüniei tami fülconcüleal quisu mu, femngechi tami hueniyeafiel. Fentren che feipiquei cüdaungei hueniyeafiel ta Dios pengequenolu cai. Huelu Biblia cüme pengelqueiñmu chumngechi doi cüme fülconal quisu mu. Feimu papeltufilmi Biblia, doi cüme quimafimi Jehová pengequenolu rume.

2. Hueniyefilmi Jehová, ¿chumafui eimi mu?

¿Inei am doi piuqueyeimu? Jehová llemai. Quisu tañi piuqueyen chem che ñi piuqueyen mu no rume trürlai. Jehová, ¿chumngechi pengeleimu tami piuqueyeteu? Quelluafeimu tami ayüucüleal ca chaftual fillque huesaque dungu. Feimu Biblia feipi: “Chau Ngünechen duamtunieimünmeu. Fei tañi cuhu mu elcünuafimün com tamün fill raquiduamelnieteu” (1 Pedro 5:7). Feimu llemai, eimi hueniyefilmi ta Jehová, quisu allcütuaimu ca eluaimu nehuen (papeltuaimi Salmo 94:18, 19).

3. Jehová tañi pu hueni, ¿chumqueingün?

Jehová com pu che piuqueyequefi, huelu “cüme hueniyeniefi tati pu norngelu” (Proverbios 3:32). Fei nor chengelmi, ¿chumaimi? Femaimi Jehová tañi ayüqueel ca famentuaimi tañi ayüquenoel. Quiñeque che feipiqueingün: “Turpu femlayafun com tañi feipieteu Chau Dios, pepilfal-lai”. Huelu loncontucunge: Jehová cutranduamyechequei. Feimu cümeque dungu femülmi ca ayühulfilmi ta Jehová, llohuaimu hueni reque (Salmo 147:11; Hechos 10:34, 35).

DOI QUIMAIMI

4. Abrahán hueniyerpufi ta Jehová

Cuifi mu mülerquefui quiñe huentru Abrahán pingelu, fei hueniyequefui ta Jehová. Fei inayentufiliyiñ tañi femün, ca femngechi iñchiñ hueniyeafuiñ ta Jehová. Papeltuaiñ Génesis 12:1-4, fei doi quimaiñ Abrahán mu, ca fei hula ngüneduamaiñ tüfachi cüla ramtun:

• Jehová, ¿chem feipifi ta Abrahán ñi femal?

• Jehová, ¿chem feipicünufi ta Abrahán?

• ¿Chumi cai Abrahán?

5. Jehová, ¿chem ayüquei ñi femal tañi pu hueni?

Com iñchiñ ayüqueiñ taiñ cümelcayaeteu taiñ pu hueni.

• ¿Chem ayüafuimi ñi femal tami pu hueni eimi mu?

Papeltuaiñ 1 Juan 5:3, ca ngüneduamaiñ tüfachi ramtun:

• Biblia ñi feipin mu, Jehová ¿chem ayüquei ñi femal tañi pu hueni?

Rüf piuqueyefiliyiñ ta Jehová, feyentuafiyiñ ca elcünuaiñ tati huesaque dungu. Papeltuaiñ Isaías 48:17, 18, ca ngüneduamaiñ tüfachi ramtun:

• Jehová, ¿chumngelu ayüquei taiñ inayal tañi feipin?

6. ¿Chem chumquei Jehová tañi pu hueni mu?

VIDEO: Jewba kelluenew fentren dungu mu (3:20)

• ¿Chumquei ti lamngen ñi cüme duamcüleal?

Papeltuaiñ Isaías 41:10, 13, ca ngüneduamaiñ tüfachi epu ramtun:

• Jehová, ¿chem eluucülequei ñi femal tañi pu hueni mu?

• “Iñche ñi cüme hueni Jehová”, ¿piafuimi? ¿Chumngelu am femngechi feipiafuimi?

7. Cümeque huenihuen nütramcauquei

Doi nütramcahun mu che, doi quimuuquei ca doi hueniyeuquei. Papeltuaiñ Salmo 86:6, 11, ca ngüneduamaiñ tüfachi epu ramtun:

• ¿Chumngechi nütramcayafuiñ ta Chau Jehová?

• Chau Jehová cai, ¿chumngechi dunguqueiñmu?

TAMI QUIMEL

Eimi cüpa hueniyeimu Jehová. Quisu quelluafeimu tami fülconcüleal quisu mu.

¿Chem piafuimi?

• Jehová, ¿chumngechi quelluquefi tañi pu hueni?

• Jehová, ¿chumngelu ayüquei taiñ inayal tañi feipin?

• ¿Rume cüdaungei hueniyengeal ta Jehová piafuimi? ¿Chumngelu femngechi raquiduamqueimi?

CA PEAFUIMI

¿Chumngechi cümelcayafeimu hueniyefiel mu ta Jehová?

“Quimfilmi ta Chau Jehová, rume cümelcangeaimi” (Ti Huerquen 15 febrero, 2003)

¿Chumngechi doi cüme hueniyeafuimi ta Jehová? Ngüneduamnge tüfa.

“¿Chumafun ñi hueniyeafiel ta Chau Jehová?” (Falinque ngülam pu huechequeche ñi ramtuqueel (2), capitulo 35).

Quiñe domo feipi: ‘Hueniyefiel ta Chau Jehová, tüfa montulmaeneu ñi mongen’, ¿chumngelu femngechi feipi?

“¡Ayülafun ñi layal!” (Ti Huerquen num. 1, 2017)

Allcütunge ñi feipin quiñeque hueche Chau Jehová mu.

¿Chumquei pu hueniyefilu ta Chau Dios? (1:46)