¿Chumafuimi tami doi cümelcayaeteu Biblia ñi feipin?

Raquiduamnge tami elfalcünungen quiñe fütra cüdau, ¿chumafuimi tami afeluunoal? Pichique troquiñquecünuafuimi, femngechi ñochiquechi huechunenturpuafuimi. Ca femngechi quiñe fütra cüdau troquiafuimi papeltuafiel Biblia, fei ¿chumafuimi tami afeluunoal tami papeltufiel Biblia? Tüfachi quimeltun meu fillque ngülam inaduamafiyiñ tami quelluaeteu.

1. ¿Chumngelu papeltuaimi Biblia fill antü?

Fill antü papeltuaimi Biblia, fei tüfa Ngünechen tañi “ley”, femngechi femülmi rüf ayüucüleafuimi ca cüme feleafuimi (papeltuaimi Santiago 1:25). Fei, ¿chumafuimi ñi amuleal tami papeltufiel Biblia? Fill antü quiñeque minuto rehuall papeltuafuimi, femngechi ñochiquechi doi ayühulaimu tami papeltuquefiel.

2. Tami cümelcayaeteu Biblia ñi feipin, ¿chumafuimi?

Matu papeltulayafimi Biblia, doi mai ñochiquechi femaimi. Cafei cüme raquiduamnieaimi com tami papeltuqueel (Josué 1:8). Papeltumequelmi ramtuhuafuimi: “Tüfa tañi papeltufiel, ¿chem quimeltueneu Jehová mu? ¿Chumngechi inayafun tüfachi ngülam tañi mongen mu? Tañi quimürpuel Biblia mu, ¿chumngechi quelluafun ta caquelu che?”.

3. ¿Chumngechi elantücünuafuimi tami papeltuafiel Biblia?

¿Cüdautuquepeimi mai tami papeltuafiel Biblia? Eimi müten no, fentren che ca femngechi rupaquei. Fei ¿chem chumafuimi? Ngünamcalayaimi tami tiempo, fei elantücünuafuimi tami papeltuafiel cam allcütuafiel Biblia fill antü (Efesios 5:16). Quiñeque che papeltuquei Biblia pulihuen meu, caquelu femquei rangi antü meu ca quiñeque che pun meu papeltuquei Biblia. Fei eimi, ¿chem hora antü meu papeltuafuimi Biblia?

DOI QUIMAIMI

4. ¿Chumafuimi tami ayühulaeteu Biblia ñi feipin?

Quiñeque mu, nehue cümentulayafuimi chi quiñe iyael, huelu amulen mu ta antü, doi cümenturpuafuimi. Ca femngechi hunelu meu cüdautuafuimi tami papeltuafiel Biblia, huelu amulele tami papeltufiel, doi ayühulaeimu. Papeltuaiñ 1 Pedro 2:2, ca ngüneduamaiñ tüfachi ramtun:

• Fill antü papeltufilmi Biblia, ¿ayühulpeafeimu mai? ¿Chem piafuimi?

Peaiñ ti VIDEO, ca ngüneduamaiñ chumingün quiñeque che tañi ayühulaeteu tañi papeltufiel Biblia, ca ngüneduamaiñ tüfachi cüla ramtun.

VIDEO: Pu hueche duamtuquefingün tati Biblia (5:33)

• ¿Chumngelu pu huechequeche cüdautuingün ñi papeltuafiel Biblia?

• ¿Chem quellueyeu engün ñi afeluunoal?

• ¿Chumingün tañi doi ayühulaeteu tañi papeltufiel Biblia?

Fillque ngülam tami papeltuafiel Biblia:

• Dullinge quiñe Biblia adümfalngelu ca manelfalngelu. Dulliafuimi tati Traducción del Nuevo Mundo rulpadungungele tami quehun dungun meu.

• Hunelu meu papeltuafuimi feichi troquiñ Biblia tami doi ayüquefiel. Ti troquiñ “Eluunge tami papeltuafiel Biblia” quelluafeimu.

• Huirintucunge chem troquiñ Biblia papeltufimi. Ti huichulechi dungu “Huirintucuaimi chem troquiñ Biblia papeltufimi” quelluafeimu.

• Con-nge tati aplicacion JW Library^®. Femngechi cheu rume mülelmi papeltuafuimi cam allcütuafuimi Biblia.

• Ngüneduamafuimi tati fillque Apéndice mülelu tati Traducción del Nuevo Mundo. Fei mu peafuimi mapa cam caquelu femngechi dungu. Femngechi doi cüme adümafuimi Biblia ñi feipin.

5. Pepicaunge tami chillcatual

Papeltuaiñ Salmo 119:34, ca ngüneduamaiñ tüfachi epu ramtun:

• Petu tami papeltunofiel ta Biblia, ¿chumngelu cümeafui tami hune llellipuafiel ta Chau Ngünechen? Ca petu pepicahulmi tami chillcatual Biblia, ¿chumngelu cümeafui tami hune ngillatual?

Tami doi cümelcayaeteu tami chillcatumequen, ¿chem chumafuimi? Inange tüfachi fillque ngülam:

1. Hunelu meu quisu papeltuaimi tati hunen pagina caque quimeltun meu.

2. Papeltuaimi caque quiñeque troquiñ tripalu Biblia meu ca ngüneduamaimi chumngechi ñi nüucülen tati quimeltun meu.

3. Tripale quiñe ramtun, quintuaimi tati huiñoldungun ca marcacünuafuimi. Tüfa quelluaimu tami doi cüme huiñoldungual ti chillcatun mu.

¡Tüfei!

Pu Dunguquelu Ineingen Jehová papeltuquefuiñ fillque Biblia, huelu feula doyümqueiñ La Biblia. Traducción del Nuevo Mundo. Tüfachi Biblia adümfalngei, manelfalngei ca tripai Chau Ngünechen tañi üi. Peafuimi ti troquiñ internet meu feipilu “Pu Dunguquelu Ineingen Jehová, ¿nieingün quisu ñi Biblia?”.

TAMI QUIMEL

Elantücünunge tami chillcatual Biblia ca llellipucünuaimi tami adümafiel ñi feipin. Cafei cüme pepicahuaimi tami chillcatual.

¿Chem piafuimi?

• ¿Chem mülei tami femal tami doi cümelcayaeteu ti Biblia?

• ¿Chem hora ayüafuimi tami chillcatuafiel Biblia?

• ¿Chumngelu cümei tami pepicahual ñi chillcatual Biblia?

CA PEAFUIMI

Ngüneduamnge fillque ngülam ñi doi ayüfalngeal tami papeltufiel Biblia.

“Chumngechi doy kümelkayafeymu tami papeltufiel Biblia” (Ti Huerquen num. 1, 2017)

Ngüneduamnge cüla dungu tami femafel tami papeltuafiel Biblia.

“Tañi papeltufiel Biblia, ¿chumngechi quelluafeneu? Troquiñ 1: Falinque dungu quintunge” (Troquiñ internet mu)

Ngüneduamnge chem chumafuimi tami ayühulaeteu tami papeltufiel Biblia.

“Tañi papeltufiel Biblia, ¿chumngechi quelluafeneu? Troquiñ 2: Adümnge tami ayühunquechi papeltuafiel ta Biblia” (Troquiñ internet mu)

Quiñe che papeltuquelu Biblia fentren tripantu mu, falinque ngülam eluafeimu, ngüneduamnge ñi feipin engün.

Cüme chillcatufinge Biblia (2:06)