QUIMELTUN 14
¿Chumngechi cüme püramyeafuiñ ta Ngünechen?
Rupachi quimeltun meu, inaduampeimi ñi mülen fentren coilaque religion illamcaquefilu ta Ngünechen. Huelu iñchiñ cüme püramyeafuiñ ta Chau Ngünechen, fei ayühulafuiñ. ¿Chumngechi femafuiñ? Ngüneduamaiñ chem pin ta Biblia (Santiago 1:27).
1. ¿Chem quelluafeiñmu taiñ cüme püramyeafiel ta Ngünechen?
Biblia, Ngünechen tañi Dungu, feipieiñmu chumngechi püramyeafiel ta Ngünechen. Feimu Jesús feipifi ta Chau Dios: “Tami dungun, fei tati rüfngelu” (Juan 17:17). Quiñeque religion quimeltuquei pu che ñi raquiduam müten ca inaniequeingün caquerume huimtun, huelu quiñepülecünufingün tati rüf dungu tripalu Biblia meu. Fei tati pu che quiñepülecünufilu “Chau Ngünechen ñi huercün dungu” turpu ayühul-layafui ta Chau Ngünechen (papeltuaimi Marcos 7:9). Huelu inafiliyiñ Chau Ngünechen tañi huercün dungu mülelu Biblia meu, rume ayühulafiyiñ.
2. ¿Chumngechi poyeafuiñ ta Jehová?
Jehová deumaeiñmu, feimu mülei taiñ püramyeafiel ta quisu müten (Apocalipsis 4:11). Fei, ¿duamnieiñ fillque adentun ca fillque chemcün taiñ poyeafiel ta Ngünechen? Duamlaiñ llemai (papeltuaimi Isaías 42:8).
Taiñ mongen meu eluhuaiñ taiñ inanieal Jehová tañi feipin, femngechi müten lif chengeaiñ quisu tañi adquiñ meu ca cüme püramyeafuiñ (Romanos 12:1). Pu eluulu ñi poyeafiel ta Jehová yamquefingün ti curehuen, pütremtuquelaingün, drogatuquelaingün ca ngollicauquelaingün.a
3. ¿Chumngelu (chemu) püramyeafiyiñ ta Ngünechen taiñ chafche iñchiñ?
Taiñ trahun meu fill semana püramyequefiyiñ ta Chau Ngünechen (Salmo 111:1, 2). Fei tüfachi trahun meu püramyequefiyiñ ta Jehová ülcantun meu (papeltuaimi Salmo 104:33). Cafei trahuluuliyiñ, hueluconque yafüluhuaiñ. Jehová quimniei fente taiñ quelluqueteu taiñ trahun taiñ ayüucüleal rumel meu, feimu fente taiñ piuqueyenieteu ayüquei taiñ trahuluhual.
DOI QUIMAIMI
Inaduamaiñ chumngelu Jehová ayüquelai taiñ poyeafiel fillque adentun meu. Ca ngüneduamaiñ chem mülei taiñ femal taiñ cüme püramyeafiel ta Chau Ngünechen.
4. Poyelayafiyiñ ta Jehová fillque adentun ca chemcün meu
Jehová ayüquelai ñi poyengeal adentun ca fillque chemcün meu, ¿chumngelu feipiafuiñ tüfa? Peaiñ ti VIDEO, ca ngüneduamaiñ tüfachi ramtun.
Cuifi meu, Jehová tañi pu che pünequefui quiñe adentun ñi poyeafiel ta Ngünechen, fei ¿chem dungu rupai?
Quiñeque che raquiduamquei: “Poyefili ta Ngünechen fillque adentun meu, doi fülmanieafiñ ta quisu”. Huelu, ¿rüf quelluafeiñmu? Papeltuaiñ Éxodo 20:4-6 ca Salmo 106:35, 36, fei ngüneduamaiñ tüfachi cüla ramtun:
¿Chem fillque chemcün pünengequei ñi poyengeal ta Ngünechen?
Jehová, ¿ayüquepei mai ñi poyengeal fillque chemcün ca adentun meu?
¿Cümepei mai ñi poyengeal Chau Ngünechen fillque adentun ca chemcün meu? ¿Chem pimi cai?
5. Poyefiliyiñ Jehová müten, inalayafiyiñ coilaque quimeltun
Jehová feipiqueiñmu chumngechi ayüquei taiñ poyeafiel, fei femliyiñ taiñ feipieteu, inalayaiñ coilaque quimeltun. Peaiñ ti VIDEO.
Papeltuaiñ Salmo 91:14, ca ngüneduamaiñ tüfachi ramtun:
Poyefiliyiñ ta Jehová müten, quisu ¿chem femai iñchiñ meu?
6. Taiñ trahun meu püramyequefiyiñ ta Ngünechen
Ülcantuliyiñ ca huiñoldunguliyiñ taiñ trahun meu, püramyeafiyiñ ta Jehová ca hueluconque yafültucuhuaiñ taiñ pu peñi ca pu lamngen iñchiñ. Papeltuaiñ Salmo 22:22, ca ngüneduamaiñ tüfachi epu ramtun:
Taiñ pu peñi ca pu lamngen huiñoldungun mu taiñ trahun, ¿ayühulquepeimu mai?
¿Ayüafuimi pepicahual tami huiñoldungual trahun meu?
7. Jehová ayüniei taiñ nütramcayafiel caquelu che taiñ quimürpuel
Fillque dungu femafuimi tami quimelelafiel ta caquelu che chem tami quimürpuel Biblia meu. Papeltuaiñ Salmo 9:1 ca 34:1, fei ngüneduamaiñ tüfachi ramtun:
Com tami quimürpuel Biblia meu, ¿chem dungu ayüafuimi tami quimelelafiel ta caquelu che?
QUIÑEQUE CHE FEIPIAFEIMU: “Quisuque ta iñchiñ dulliafuiñ chumngechi poyeafiel ta Ngünechen”.
¿Chem pimi cai?
TAMI QUIMEL
Püramyeafiyiñ ta Jehová müten, huiñoldunguaiñ trahun meu ca nütramcayafiyiñ taiñ chafche chem taiñ quimürpuel Biblia mu, femngechi ayühulafiyiñ ta Jehová.
¿Chem piafuimi?
¿Cheu feipi chumngechi taiñ püramyeafiel ta Jehová?
¿Chumngelu am mülei taiñ püramyeafiel ta Jehová müten?
¿Chumngelu püramyeafiyiñ ta Jehová quiñentrür tati pu che feyentulelu iñchiñ reque?
CA PEAFUIMI
Quiñe domo poyehuelafi ta Ngünechen fillque adentun meu. Pefinge tañi rupan ti troquiñ feipilelu “Poyehuelafiñ tati adentun”.
“Ti Biblia cüme elcünutueyu ñi mongen” (Ti Huerquen 1 julio, 2011)
Quimürpunge chem chumafuimi tami huiñoldungual trahun meu.
“Püramyeafiyiñ ta Jewba trawünche mu” (Ti Huerquen enero, 2019)
Quiñe hueche huentru cüdautulu rume, eluhui ñi amual trahun meu. Ngüneduamnge chumngechi cümelcaeyu tüfa.
Fentren che raquiduamquei pu cristiano mülei ñi pünengeal ti cruz, huelu ¿rüfngepei mai tüfa?
“Pu Dunguquelu Ineingen Jehová, ¿chumngelu duamquelai ti cruz ñi poyehun mu?” (Troquiñ internet mu)
a Tüfachi dungu inaduamaiñ cüpalechi quimeltun meu.