¿Chem dungu rupaquei lan mu quiñe che?

Layeluhun meu pemai rupaimi, feichi antü fente tami cutrancahun meu ramtuhuimi chi: “¿Chem dungu rupaquei lan mu quiñe che? ¿Pepi petuafun tati pu layelu?”. Tüfachi chillcatun meu ca cüpalelu ngüneduamaiñ chem huiñoldunguquei tati Biblia.

1. ¿Chem dungu rupaquei lan mu quiñe che?

Jesús trürümfi tati lan dungu quiñe fütra umautun reque. ¿Chem dungu meu tati lan dungu trürümfali quiñe fütra umautun meu? Quiñe che fütra umautulu quimlai chem dungu ñi rupamequen tañi inafül meu. Fei ca femngechi Biblia feipi: “Tati pu layelu chem dungu no rume quimhuetuquelaingün” (papeltuaimi Eclesiastés 9:5). Felei llemai, tati pu che deu lalu chem cutrantun rume niequelai ca cutrancaumequelai.

2. ¿Chumngechi cümelcaqueiñmu quimfiel ñi chumletuquen tati pu la?

Fentren che llicaquei ñi layal, ca femngechi llicaniequefi tati pu layelu. Huelu Biblia ñi quimeltun rume cüme duamelqueiñmu. Tüfa ñi feipin Jesús: “Fei tüfachi rüf dungu lifrecünutuaimünmeu” (Juan 8:32). Quiñeque religion quimeltuquei quiñe che lalu cañpüle mongeletuquei, huelu tüfachi dungu quimeltuquelai tati Biblia, feimu mai deu lan mu quiñe che cutrancaumequequelai. Tati pu la chem dungu no rume ta quimhuetuquelai, feimu chem dungu no rume femlayafeiñmu. Cafei duamfalngelai llellipual tati pu la meu ca duamfalngelai tañi poyeniengeal engün, femngechi tüngümnieafiel reque.

Quiñeque che feipiquei ñi pepi nütramcaquefiel tati pu la, huelu tüfa chumcaunorume pepi femlayafuingün. Chumngechi taiñ ngüneduampeel tati pu la “chem dungu no rume quimhuetuquelaingün”. Tati troquiuquelu ñi nütramcamequen tati pu la, pu huecüfü meu nütramcamequei. Feimu quimal Biblia ñi feipin tati pu la meu, cuñiutucuqueiñmu taiñ ngünencanoaeteu tati pu huecüfü. Jehová feipieiñmu taiñ nütramcanoafiel tati pu la, femngechi taiñ huesalcanoaeteu tati pu huecüfü (papeltuaimi Deuteronomio 18:10-12).

3. Quimürpunge ñi rüf chumletuquen tati pu la

Huall Mapu meu fillque dungu feipingequei lan mu quiñe che, huelu com feichi dungu rüfngelai llemai.

• Tami lof meu, ¿chem feipingequei tati lan meu?

VIDEO: ¿Chumlequetui pu layelu? (Pichi troquiñ) (1:19)

Papeltuaiñ Eclesiastés 3:20, ca ngüneduamaiñ tüfachi epu ramtun:

• Ñi feipin tüfachi troquiñ Biblia meu, ¿chem rupaquei lan mu quiñe che?

• Lan mu quiñe che, ¿mongelequepetui mai tañi am cam tañi püllü?

Biblia nütramcai lan mu Lázaro, tüfa Jesús tañi hueni ürque. ¿Chem feipi Jesús ñi chumletun ta Lázaro deu lalu? Papeltuaiñ Juan 11:11-14, ca ngüneduamaiñ tüfachi cüla ramtun:

• Jesús, ¿chem dungu meu trürümfi ti lan dungu?

• ¿Chem quimeltueiñmu ñi feipin Jesús?

• ¿Cümelu troquiquefimi mai chem ñi feipin Biblia ti lan dungu meu?

4. Quimürpuel chumngechi ñi felen tati pu la lifrecünuqueiñmu

Quimürpufiliyiñ chumletuquei tati pu la, llicahuelayafiyiñ. Papeltuaiñ Eclesiastés 9:10, ca ngüneduamaiñ tüfachi ramtun:

• Pu la, ¿huesalcapeafeiñmu mai?

Biblia taiñ quimeltuqueteu chumlen tati pu la, lifrecünuqueiñmu taiñ cüme duamelnoafiel ca poyenoafiel tati pu la. Papeltuaiñ Isaías 8:19 ca Apocalipsis 4:11, fei ngüneduamaiñ tüfachi ramtun:

• Quiñe che püramyefile tati pu la cam quintule ñi quelluaeteu, ¿chum duamnagquei Jehová? ¿Chem pimi cai?

5. Quimürpuel ñi rüf chumletuquen tati pu la cüme duamelqueiñmu

Fentren che feipingequei: “Lalmi, rume cutrancangeaimi com tati huesaque dungu meu tami femün”. Huelu Biblia quimeltuquei quiñe che larumele cutrancangelayai, femfule rume huesaque dungu. Quimal tüfa rume yafültucuqueiñmu. Papeltuaiñ Romanos 6:7, ca ngüneduamaiñ tüfachi ramtun:

• Biblia quimeltueiñmu lan meu quiñe che lifrecünungequei tañi culpan meu, feimu ¿raquiduamquepeimi mai tati pu la ñi castigamequengen com tati huesaque dungu ñi femün tañi mongen meu? ¿Chem pimi cai?

Doi quimürpufiliyiñ ta Jehová, doi cüme quimürpuaiñ tati pu la ñi cutrancaumequenon. Feichi dungu ñi feipingequen ñi cutrancaumequen tati pu la, rume huesaduamelqueyu ta Jehová. Papeltuaiñ Deuteronomio 32:4 ca 1 Juan 4:8, fei ngüneduamaiñ tüfachi epu ramtun:

• Ñi feipin tüfachi epu troquiñ Biblia meu, Jehová ¿eluucülepeafui mai ñi cutrancayafiel tati pu la?

• Biblia ñi quimeltuquen ñi chumletuquen tati pu la, ¿cüme duamelquepeimu mai? ¿Chumngelu cai (chemu)?

TAMI QUIMEL

Lan mu quiñe che, chem no rume quimhuetuquelai. Tati pu la cutrancaumequelaingün ca inei no rume huesalcalayafuingün.

¿Chem piafuimi?

• ¿Chem dungu rupaquei lan mu quiñe che?

• Quimürpuel chumngechi ñi felen tati pu la, ¿chumngelu lifrecünuqueiñmu?

• Quimürpuel chumngechi ñi felen tati pu la, ¿chumngelu cüme duamelqueiñmu?

CA PEAFUIMI

Ngüneduamnge ñi feipin tati Biblia tati pu la ñi cañpüle mongelepen mai.

“Lan mu quiñe che, ¿mongelequepei mai tañi püllü?” (Troquiñ internet mu)

Quimürpunge ñi feingepen mai Chau Dios ñi cutrancaquefiel pu huesaque che ti cütral mapu meu.

¿Cutrancangepei mai pu la quiñe cütral mapu meu? (3:07)

¿Llicaniepeafuiñ mai tati pu la?

Tati layechi che ñi püllü, ¿pepi kelluafeiñmew? ¿Kam wedalkayafeiñmew? Tati la, ¿rüf niepey may kiñe püllü? (Folleto)

Quimürpunge chumngechi quiñe huentru rume yafültucueyu quimal ñi chumlequetun tati pu la.

“Afmatuleneu chem quimeltuquei Biblia” (Ti Huerquen 1 febrero, 2015)