¿Inei am “ti quim manelfal cüdaufe” ca chumquei?

Jesús loncolei ti trahunche meu (Efesios 5:23). Fantepu meu, Jesús huenu meu loncolei ca adniequefi tañi troquiñche tati “quim manelfal cüdaufe” meu (papeltuaimi Mateo 24:45). Jesús dulli feiti “cüdaufe” ca elufi autoridad ñi dullial quiñeque dungu ñi femngequen quisu ñi troquiñche meu. Huelu femngechi cüdau elfalcünungelu rume, amulei tañi inaniefiel ta Jesús ca tañi serfiniefiel Jesús tañi pu peñi. ¿Inei am tüfachi quim manelfal cüdaufe? Ca, ¿chumngechi cuidanieiñmu? Peafiyiñ.

1. ¿Inei am “ti quim manelfal cüdaufe”?

Cuifi mu ca fantepu meu Jehová ñi dulliquefiel quiñe huentru cam quiñe pichi troquiñ huentru ñi adnieafiel tañi pu che (Malaquías 2:7; Hebreos 1:1). Raquiduamafuiñ ñi rupan lalu hula ta Jesús. Feiti meu pu apostol ca pu loncolelu Jerusalén meu, elfalcünungei ñi adnieafiel Jehová tañi pu che (Hechos 15:2). Ca femngechi fantepu meu pu Dunguquelu Ineingen Jehová nieingün quiñe Troquiñ Adniechequelu, “Cuerpo Gobernante” feipingequelu huinca dungu meu. Jesús elfalcünulelfi tüfachi Troquiñ Adniechequelu ñi eluafiel Jehová tañi troquiñche com ñi duamnieel engün tañi fülmanieafiel ta Jehová ca tañi amuldungucheal. Feimu tüfachi Troquiñ Adniechequelu fei “ti quim manelfal cüdaufe”, ca tañi Ñidol Jesús elfalcünueyu fillque cüdau (Mateo 24:45a). Com pu peñi coneltulelu ti Troquiñ Adniechequelu, Jehová dullieyu ñi amual huenu meu. Feimu fentepuule tañi mongen engün Mapu meu, ngünenieaingün huenu mu Jesucristo engu.

2. ¿Chem am tati iyael ñi hulqueel ti quim manelfal cüdaufe?

Jesús elfalcünulelfi ti quim manelfal cüdaufe “puuchi antü meu ñi eluafiel tañi iyael” tati pu cristiano (Mateo 24:45b). Tati iyael eluqueiñmeu nehuen ca quelluqueiñmu taiñ tremoleal. Ca femngechi feiti quimün cüpalu Ngünechen ñi dungu meu iyael reque felei. Eluqueiñmeu nehuen taiñ nor piuqueyeafiel ta Jehová ca taiñ cüme femürpual ti cüdau taiñ elfalcünueteu Jesús (1 Timoteo 4:6). Taiñ trahun meu, fütraque trahun mu ca taiñ publicacion ca video nüucülelu Biblia ñi feipin meu, elungequeiñ falinque ngülam taiñ quimal Jehová tañi ayüqueel ca taiñ doi cüme hueniyeafiel. Com tüfa iyael reque felei.

DOI QUIMAIMI

3. Jehová tañi pu che mülei tañi cüme adcünungeal

Cuifi meu Jesús adniefi pu hunenque cristiano. Ca femngechi taiñ antü meu, Jesús adniefi ti Troquiñ Adniechequelu. Femngechi quisu engün adcünuqueingün fillque cüdau ñi femqueel pu Dunguquelu Ineingen Jehová. Peaiñ ti VIDEO.

VIDEO: Jehová adcünuquefi tañi pu che (6:18)

Papeltuaiñ 1 Corintios 14:33, 40, ca ngüneduamaiñ tüfachi ramtun:

• ¿Chumngelu feipiafuiñ Jehová ayüquei tañi pu che ñi cüme adcünungeal quiñe troquiñche meu?

4. Ti quim manelfal cüdaufe adcünuquefi taiñ amuldungun cüdau

Pu hunenque cristiano rume falintuquefuingün quimeltucheal. Papeltuaiñ Hechos 8:14, 25, ca ngüneduamaiñ tüfachi epu ramtun:

• ¿Inei engün am adniequefuingün chi cüdau ñi femquefel pu hunenque cristiano?

• ¿Chumi Pedro ca Juan engu feipingelu ñi amuldungumeal Samaria meu?

Ti doi falin dungu ñi adcünuquefiel ti Troquiñ Adniechequelu fei taiñ amuldungun cüdau. Peaiñ ti VIDEO.

VIDEO: Doyümquefiyiñ ti amuldungun cüdau (1:24)

Jesús cüme quimfalcünui ñi rume falin-ngen amuldungucheal. Papeltuaiñ Marcos 13:10, ca ngüneduamaiñ tüfachi epu ramtun:

• Ti Troquiñ Adniechequelu, ¿chumngelu am fente falintuquefi taiñ amuldungun cüdau?

• ¿Chumngelu duamniefiyiñ “ti quim manelfal cüdaufe” ñi adcünual taiñ amuldungun cüdau huall Mapu mu?

5. Ti quim manelfal cüdaufe adniequeiñmu

Ti Troquiñ Adniechequelu fillque dungu femquei ñi cüme adcünuafiel Jehová tañi pu che. Huelu, ¿chumqueingün ñi quimal chumngechi adnieafiel Jehová tañi pu che? Ngüneduamaiñ chumquefui tati troquiñ adniechequelu mülequefulu tati hunenque cristiano ñi antü meu. Papeltuaiñ Hechos 15:1, 2, ca ngüneduamaiñ tüfachi epu ramtun:

• ¿Chem dungu meu chaftudunguhuingün quiñeque hunenque cristiano?

• Pablo, Bernabé ca caquelu cristiano, ¿inei pemefingün ñi quimal chem chumal engün?

Papeltuaiñ Hechos 15:12-18, 23-29, ca ngüneduamaiñ tüfachi ramtun:

• Ti troquiñ adniechequelu mülefulu tati hunenque cristiano ñi antü meu, ¿chumingün tañi adnieaeteu Chau Ngünechen tañi dulliel meu engün? (Pefinge Hechos 15:12, 15, 28).

Papeltuaiñ Hechos 15:30, 31 ca 16:4, 5, fei ngüneduamaiñ tüfachi epu ramtun:

• ¿Chumingün pu hunenque cristiano quimlu engün ñi dulliel ti troquiñ adniechequelu?

• Jehová, ¿chumngechi cümelcafi pu hunenque cristiano ñi inaniefiel mu tañi feipingeel engün?

Papeltuaiñ 2 Timoteo 3:16 ca Santiago 1:5, fei ngüneduamaiñ tüfachi ramtun:

• Famülque mu, ¿chumquei ti Troquiñ Adniechequelu ñi cüme dullial?

TAMI QUIMEL

Ti Troquiñ Adniechequelu fei tati “quim manelfal cüdaufe” ñi dulliel ta Jesús. Tüfachi troquiñche adniefi Jehová tañi pu che ca eluquefi engün com ñi duamnieel tañi cüme hueniyeafiel ta Jehová.

¿Chem piafuimi?

• ¿Inei am dullifi “ti quim manelfal cüdaufe”?

• ¿Chumngechi cuidaqueiñmu ti Troquiñ Adniechequelu?

• ¿Feyentuqueimi ti Troquiñ Adniechequelu fei tati “quim manelfal cüdaufe”?

CA PEAFUIMI

Inaduamnge chumquei ti Troquiñ Adniechequelu ñi entual tañi cüdau.

“¿Chem am ti Troquiñ Adniechequelu ñi nieel pu Dunguquelu Ineingen Jehová?” (Troquiñ internet mu)

Inaduamnge chumquei ti Troquiñ Adniechequelu taiñ eluaeteu manelfalngechi quimeltun.

Rume estudiangequei ñi nentungeal fillque publicacion (17:18)

Pu peñi coneltulelu ti Troquiñ Adniechequelu, ¿chem raquiduamqueingün feichi cüdau mu ñi elfalcünuleleteu Jesús?

Rume falintuniefiyiñ taiñ cüdau (7:04)

Taiñ trahun ca fütraque trahun meu, ¿chumngechi pengelngei Jehová ñi adniefiel ti Troquiñ Adniechequelu?

Jehová quimeltuquefi tañi pu che (9:39)