QUIMELTUFINGE TI CHE ÑI INAYAFIEL TA JESÚS
QUIMELTUN 10
Quelluniefinge ti che
Biblia ñi ngülam: “Rume piuqueyehuiyiñ, eluucülefuiñ tamün amuldungulelafiel Chau Dios ñi cümeque dungu. Huelu feica müten no, ca eluucülefuiñ ñi hulal taiñ mongen, femngechi tamün quelluafiel” (1 Tes. 2:8).
Jesús ñi femün
1. Pefinge ti VIDEO cam papeltunge Juan 3:1, 2. Fei hula ngüneduamfinge tüfachi ramtun:
¿Chumngelu chi (chemu) Nicodemo pemefi ta Jesús pun meu? (Pefinge Juan 12:42, 43).
Jesús, ¿chumngechi pengeli ñi ayülen tañi quimeltucheal?
¿Chem quimeltueiñmu Jesús tañi femün?
2. Fente taiñ piuqueyefiel mu pu che, yafüluhun mu quimeltuquefiyiñ ñi inayafiel ta Jesús.
Inayentufinge ta Jesús
3. Quimeltufinge Biblia cheu ca chumül ñi ayünieel ti che. ¿Chem antü ca hora ayüniei ñi chillcatual ti che? ¿Cheu chi doi ayüafui ñi chillcatual: tañi cüdau mu, tañi ruca mu cam cañpüle? Pepi femülmi, quimelelfinge Biblia ti che cheu ca chumül ñi ayünieel quisu.
4. Fill semana quimeltulelafimi Biblia. Pepi amunolmi, feipilayafimi ti che ñi chillcatunoal feichi semana. Tüfa femafuimi:
Ca antü feitichi semana mu chillcatuafuimu.
Telefono cam internet mu chillcatuafuimu.
Huercüafuimi cangelu peñi cam lamngen ñi quimelelafiel ti Biblia.
5. Ngillatunge tami nieal cüme raquiduam. Ti che cüdautule ñi chillcatual fill semana cam ñi inayal tañi quimeltungeel, ngillatufinge ta Chau Jehová tami quelluaeteu, femngechi fentecünulayaimi tami quimeltulelfiel Biblia (Filip. 2:13). Ngillatufinge ta Jehová tami peafiel ti cümeque dungu ñi nieel ti che. Femülmi, ¡fentren cümeque dungu peñmayafimi tati!
CA INADUAMFINGE
Prov. 3:27; Hech. 20:35; 2 Cor. 12:15