Küme amulnieafiyiñ taiñ antü amuldungun mu
Pu Dungukelu Iney Ngen Jewba wülkeiñ 1.945.487.604 ora taiñ amuldunguel mu rupachi 2014 tripantu mu, tüfa pengeleiñmu taiñ eluwkülen küme küdawmanieafiel ta Jewba (Sal. 110:3; 1 Kor. 15:58). Dewma “pichilewey [...] ta antü”, feymu ¿doy kümepelayafuy may ñi küme püneafiel taiñ nieelchi antü amuldungun mu taiñ peafiel pu che? (1 Kor. 7:29.)
Taiñ doy küme püneafiel tati nieelchi antü amuldungun mu, feymu müley taiñ adkafalün ngeal. Kiñe pengelün dungu: kiñe ora kam doy miyawfulmi tami amuldungual, welu kiñe che no rume pelaymi tami dunguafiel, ¿eluwafuymi tami kintuafiel ka ñi nütramkayafiel ta pu che? Kiduke niey ñi duam pu che fill lof mu. Welu tüfachi ngülam kelluafeymu tami doy küme püneafiel tami nieelchi antü, “ñi wülelafiel ta re kürüf” müten reke ta femekelayaymi (1 Kor. 9:26).
Fill ruka püle amuldungual: Fentren tripantu mu, pu amuldungufe wimtuley ñi amuldunguken karukatu che mu ella amuchi antü mu. Welu alünke che am kom antü küdawkey, feymu doy kümeafuy tami amuldungual tami karukatu rupan antü ka ella pun mu, doy müleyelu am pu che tañi ruka mu tüngkülen mu. Antü mu amuldungulmi rüpü mu kam negosio mu, doy küme dungu entuafuymi.
Amuldunguam chew ñi rupaken alünke che: Trawünche ñi lof mu elngeafuy mesa ka pengelngekem lifru chew rupaken fentren pu che. (Pefinge Taiñ Amuldungukeel julio küyen 2013 mew, pag. 5.) Newe rupawenole pu che tüfa mu, ti Trokiñ Dungukelu pu Longkolelu mew feypiafuy chew ñi elngeafel tüfachi pengelngekem lifru chew fentren che ñi rupaken.
Wiño witrantual ka chillkatukelu Biblia: Kiñe ora doy küme tripale tami amuldungun, ¿amuafuymi tami wiño witrantumeafiel ti che chillkatual Biblia kangelu ora mu? Pengelün dungu: ti amuldungun karuka che, doy kümele sabado puliwen antü mu, ¿nieafuymi tami chillkatun Biblia rupan antü ka ella pun mu? Pu amuldungufe witrantumetual tati pu che, ¿adkünuwafuyngün tañi trür witrantumeal tati pu che feychi lof mu, fey doy amuldunguam?
Rüf ngey llemay taiñ rakiafiel taiñ ora taiñ tripan mu amuldungual, welu küme tripan mu doy amukey taiñ ayüwün. Welu kiñe pepikaelchi dungu newe küme tripanole tami amuldungukeelchi antü mu, kangelu dungu femkantuafuymi tami amuldungual. Ngillatufinge ta Jewba, ti “ngenngelu tati ngan ketran mew”, kintufinge, tami kelluaetew, femngechi doy küme wülal tami nieelchi antü amuldungun mew (Mat. 9:38).