Doy küme adümuwnge tami amuldungual: taiñ llitual kiñe chillkatun Biblia tüfachi papil ¡Kümeke dungu küpalu Dio mew! pingelu, pu che ñi wülngiñ ruka mu
Chumngelu falin-ngey: müley taiñ kimal chumngechi kimeltual, femngechi taiñ kelluafiel pu che ñi inayentuafiel ta Jesu (Mat. 28:19, 20). Kom iñchiñ küme inanieliyiñ taiñ elukeelchi kellun, fey küme kimelchefengeafuiñ ti rüf dungu mew. Ñi femngeal tüfa, kiñe rume küme papil fey tati ¡Kümeke dungu küpalu Dio mew! Tüfachi papil mu llituafuiñ kiñe chillkatun Biblia, wünen rupa ñi pemefiel tati pu che ñi dunguafiel tañi wülngiñ ruka mu.
Tüfachi küyen mu tami adümal:
Ngillatunge tami ayünieal ñi llitual kiñe chillkatun Biblia. Llellipufinge ta Jewba tami kelluaetew, fey llituam kiñe chillkatun Biblia kiñe che engu, kafey tami küme kimelchefengeal tati rüf dungu mu (Filip. 2:13).
Tami poyeafiel ta Ngünechen reñmawen mew, pepikawnge tami feypial, kam kidu tami chillkatun mu. Femngechi, pepiluwaymi tami küme dungual, ka doy adümaymi llituam kiñe chillkatun Biblia kiñe che tañi wülngiñ ruka mew.