Taiñ duamyepeel küdaw mew taiñ kimeltucheal
1. ¿Chemu trürümfali kiñe kristiano amuldungukelu kiñe ngürefe engu?
1 Kiñe ngürefe duamniey itro fillem tañi dewmayal ñi ngüren, feyta duamniey ti ngürewe, tonowe, witral, füw, ka kakelu llemay. Welu kiñeke pichintu pünekefi tañi küdaw mu, kakelu kay doy pünekefi, fill antü duamnieyefi. Ñi duamyepeel küdaw mu, pu adümuwchi ngürefe ñi adkiñ mu niey ñi ngürepeyüm, feyta am doy adümniefilu ñi nieelchi küdaw mu. Ka femngechi Biblia yafültukukefi kom pu kristiano ñi adümuwküleal amuldungun mu, tañi nienoal “chem dungu no rume ñi yewentukuwküleael” (2 Tim. 2:15). ¿Tuchi taiñ duamyepeel küdaw mew doy duamfali taiñ nieal adkiñ mew? Ngünechen ñi Dungu llemay, fey tüfa doy falintufali taiñ kelluafiel pu che “ñi disipulungeael engün” (Mat. 28:19, 20). Feymu lle müleiñ yafüluwal taiñ adümuwchefengeal ñi küme ‘kimeltual ti werken kimelün dungu’. Welu ka müley fillke dungu taiñ doy duamyepeel küdaw mew taiñ kimeltucheal, kom taiñ pu kristianongen müleiñ taiñ pepiltukual ka adümuwküleal tüfachi fillke kellu taiñ elungeel taiñ küme kimeltulelafiel tati pu che ti rüf dungu (Prov. 22:29).
2. ¿Tuchi am tati doy duamyeelchi fillem taiñ küdaw mew taiñ kimeltucheam?
2 Taiñ doy duamyeelchi fillem küdaw mew taiñ kimeltucheam: ¿Biblia müten duamniekeiñ taiñ amuldungual? ¿Ka chem kellu duamfali taiñ pepiltukual? Taiñ doy falin kellu taiñ kimeltuafiel ti rüf dungu, fey tachi lifru ¿Qué enseña realmente la Biblia? Dew dewelkan mu tüfachi lifru, fey wüla chillkatuafiyiñ ti lifru “Manténganse en el amor de Dios”, ñi kimeltulelafiel pu che ñi inanieal Biblia ñi ngülam fill antü ñi mongen mu. Feymu lle müleiñ adümuwchefe ngeal ñi pepiltukual tüfachi epu wirintukun lifru. Ka duamyepeelchi papil nieafuiñ adkiñ mu. Ti papil ¡Kümeke dungu küpalu Dio mew! tüfa taiñ duamyepeel küdaw mew rume falin-ngelu ñi llitual kiñe chillkatun Biblia. Taiñ lof mew mülele kiñeke che kim papeltukenolu, kam ka kewün dungukelu, ka newe nienolu papil tañi kewün mew, fey pengelafuiñ ti papil “Allkütumuchi” pi Dio, “afnoachi mongen nieafuymi” kam Escuche a Dios. Kiñe adümfalchi kellun taiñ ngüyulafiel pu chillkatukelu Jewba ñi trokiñche mu, fey tüfachi papil ¿Iney engün am femmekey Jewba ñi ayükeelchi dungu famülke mu? Kiñeke video müna kellufilu pu che tañi disipulungeal, ka femngechi müley taiñ küme adümafiel, ti video ¿Chumngelu am müley tami chillkatual ta Biblia?, ¿Chumkeyngün am pu Dungukelu Iney Ngen Jewba tañi Trawünwe Ruka mu? ka Ngünechen, ¿niepey may kiñe üy?, ka kakelu llemay.
3. ¿Chemu kelluaeiñmew küpaleyechi wirintukun Taiñ Amuldungukeel?
3 Küpaleyechi wirintukun Taiñ Amuldungukeel kelluaeiñmew taiñ doy adümuwal müleyechi wirintukun mu nielu iñchiñ adkiñ mu taiñ kimeltucheal. Yafüluwliyiñ taiñ adümuwküleal taiñ duamyepeel küdaw mew, feyentumekeafuiñ tüfachi ngülam Chaw Ngünechen mu küpalu: “Kisutu eymi küme kuñiwtuwnge ka tami kimeltun mew tami elukefiel ta kakelu, ka itrokom küme newen mew amulenge. Fey tüfa famngechi femülmi, kisutu ta montuluwaymi ka femngechi montuay tüfey engün tami allkütukeetewchi pu che” (1 Tim. 4:16).