Inayentufimün pu pelon wentru: Habacuc
1. ¿Chumngelu am ti pelon wentru Habacuc reke femngentuwafuiñ?
1 Chaftumekefiel mu ti wedake dungu taiñ walloñmanieetew, fey kiñeke mu femngentuwafuiñ Habacuc reke, fey tüfa ramtufi ta Jewba: “¿Chumngelu am pengelelkeen tati wedake dungu? Ka ¿chumngelu eluñmakefimi ñi müleal ti illamkawün?” (Hab. 1:3; 2 Tim. 3:1, 13.) Taiñ rakiduamal Habacuc ñi werkün dungu ka inayentuafiel ñi norchengen, fey kelluafeiñmew newenküleal taiñ üngümküleal Jewba ñi antü ñi ramtukadunguafiel pu che (2 Ped. 3:7).
2. ¿Chumngechi pengelafuiñ taiñ nien nor mongen famülke mu?
2 Nor mongen-ngefuy: Habacuc kidutu kutrantupiwkeyewkelafuy, kidu newenküley ñi mupiltun, femngechi trepeluwküley ka küdawküley (Hab. 2:1). Jewba manelkünufi ti pelon wentru ñi wechutriparpual ñi dungu yochi puwle ti antü, kafey “ti norchengelu mongeleay tañi püntüwtripakenon mu”, pifi (Hab. 2:2-4). Tati pu kristiano mongelelu tüfachi afaelchi antü mu, ¿chem pifel tüfa? Taiñ kimal chumül ñi akual chi afaelchi antü, doy falin-ngey may ñi maneluwküleal ñi akual. Feymu, taiñ mupiltun nengümaeiñmew taiñ trepeluwküleal ka doyümal taiñ amuldungual (Eb. 10: 38, 39.)
3. ¿Chumngelu müley taiñ nieal ayüwün poyenieafiel ta Jewba?
3 Ayüwi Jewba mu: Ti Gog de Magog pingelu, üngküntufile Jewba ñi pu che, fey pengelaiñ chumlen taiñ mupiltun (Ezeq. 38:2, 10-12). Kimnielu rume am ñi wewal iñchiñ, tüfachi weychan küpalay fentren wedake dungu. Ti iyael ngewelayay chi, ngewelayafuy chi ruka, ka weda mongen müleafuy kütu. ¿Chumafuiñ mülele tüfachi wedake dungu? Habacuc pekentuy reke ñi müleal wedake dungu, feymu lle eluwi ñi nieal ayüwün poyemekefiel mu ta Jewba (Hab. 3:16-19). “Ti ayüwün Jewba mu” ka kelluafeiñmew taiñ yafüluwal küpalechi antü mu (Neh. 8:10; Eb. 12:2).
4. ¿Chem ayüwün nieafuiñ fewla ka küpalechi antü mu?
4 Feychi pu che Jewba ñi montulafiel feychi antü ramtukadungufile ti pu che, amuleay ñi kimeltungeal ta Ngünechen ñi rüpü mew (Hab. 2:14). Ti pu wiñomongetulu kafey kimayngün ñi chumngen ta Jewba. Feymu, ¡fewla wülmekeafuiñ taiñ nieelchi antü ñi dungual ta Jewba mu ka tañi afmatufalchi küdaw! (Sal. 34:1; 71:17).