Ti küdaw ñi mangelafiel tati pu che tati fütra trawün küla antü ngealu

Fill tripantu mu, müna ayüwkülekeiñ ñi püllelepan taiñ fütra trawün küla antü ngekelu, tüfa kiñe fütra ilelkawün reke felelu. Ayükelu am iñchiñ kom pu che ñi kümelkayaetew Jewba, feymu newen mu küdawayiñ ñi mangelafiel kom pu che (Sl 34:8). Tati trokiñ longkolelu trawünche mu adkünuay ti küdaw ñi mangelafiel tati pu che.

¿CHEM MÜLEY ÑI NGÜNEDUAMAL?

• ¿Chumül am femngeay ti fütra trawün?

• Taiñ trawünche mu, ¿chem antü elungeay ti küdaw ñi mangelafiel tati pu che?

• ¿Chumül am femngeay tati trawün amuldungun mu?

• ¿Chem dungu diturpuafun tañi mangelafiel ta che?

• ¿Iney am ta mangelafiñ?

¿CHUMNGECHI ELKÜNUAL TI MANGELÜN?

Dew chalifimi ti che, feypiafuymi:

“Koneltuleiñ kiñe fütra küdaw wall Mapu püle femngekelu taiñ mangelafiel tati pu che kiñe müna falin trawün mu. Tüfachi mangelün feypiley chumül, chew ka chem ora mu femngeay ti trawün. Ayüafuiñ tami kompañaetew”.

¿CHUMNGECHI KELLUAL TA CHE KÜPA KIMLU?

Ayünielu rume iñchiñ mangelafiel fentren che fütra trawün mu, müley ñi kelluafiel chem che rume duamlu ñi kimal ti werkün dungu.

Afchi semana mu, elkünuafuiñ tati chillka ka ti mangelün engu.