Maneluwkülenge Jewba mu ka kümeke dungu femnge

“Ütrirkilnge tati pu wedake che”

37:1, 2

• Eluñmakilnge tati pu wedake che ñi kümelkalen fachantü tami katrütuaetew ñi küdawal Jewba mu. Pukintunienge tami dungu ñi diturpual ka ti kümelkan Jewba tami eluetew

“Maneluwkülenge Jewba mu ka kümeke dungu femnge”

37:3

• Welulkawle tami rakiduam ka weñangkülelmi, maneluwfinge ta Jewba tami kuñiwtuaetew. Kidu kelluaeymu tami manelfalchengeal

• Fentekünukilnge tami amuldungual ti kümeke dungu Ngünechen ñi Ngünenien mu

“Ayüwmange Jewba mu”

37:4

• Tami doy kimürpuafiel ta Jewba, elkünunge antü tami papeltuafiel ka ngüneduamafiel tati Biblia, Ngünechen ñi Dungu

“Maneluwkülenge Jewba tami kelluaetew”

37:5, 6

• Chem wedake dungu rume rupalmi, maneluwkülenge Jewba tami kelluaetew ñi chaftuafiel tüfa

• Amulepe tami küme femün katrütungelmi rume, dalluntukungelmi ka kayñetungelmi

“Ñüküfkülenge Jewba ñi adkiñ mu, ka ayüwün mu üngümkülenge”

37:7-9

• Femkilnge wedwedngechi dungu. Tüfa müntuñmafeymu tami ayüwün ka wedalkayafeymu tami weniwen Jewba engu

“Tati pu ñom che ngen Mapu ngeay engün”

37:10, 11

• Yafüluwkülenge tami ñom chengeal, ka ñom piwke mu maneluwkülenge ta Jewba tami kelluaetew, chem norngenochi dungu rume tami kutrankakeetew

• Kellufinge tati peñi ka lamngen ka yafültukufinge tati pu weñangkülelu ka nütramkalelfinge Chaw Ngünechen ñi feypikünuelchi we Mapu ñi püllelepan