Amuldungual ti kümeke dungu ayüwmayaeymu

¿Rakiduamkeymi ñi küdawngen amuldungual? Epe kom iñchiñ küdawngelu trokikefiyiñ. ¿Chumngelu am? Taiñ lof mapu mu, pu che allkütukelaeiñmu chi kam duamkelaeiñmew, kam llükayafuiñ wüldungulafiel pu che taiñ kimnofiel. Rüfkünu may, tüfa weñangkülafeiñmew. Welu iñchiñ püramyekefiyiñ ti ayüwün-ngechi Ngünechen ka kidu ayükey taiñ poyeafiel ayüwün mu (Sl 100:2; 1Ti 1:11, Traducción del Nuevo Mundo). Taiñ ayüwmayaetew ti amuldungun, ¿chem küla kümeke dungu müley?

Wüne, wüldungukeiñ ñi mülen maneluwün. Famülke mu pu che epe niewelay maneluwün, welu iñchiñ kimelelkefilu pu che ñi mületual doy kümeke dungu, tüfa ayüwülkeeyew (Isa 52:7). Ka femngechi, ti kümeke dungu Chaw Ngünechen ñi Ngünenien mu ka ayüwülkeeiñmew. Petu taiñ amuldungunon, rakiduamaiñ ti kümeke dungu ñi küpalal Chaw Dios ñi Ngünenien Mapu mu.

Epu, ti kümeke dungu taiñ amuldungukeel kellukefi pu che ñi külfünküleal ka ñi doy kimafiel ta Chaw Ngünechen. Fey elkünuyngün kuñiwün-ngechi wimtun, ka maneluwkeyngün ñi rumel mongeleal (Isa 48:17, 18; Rom 1:16). Rakiduamaiñ taiñ kintuyawülfiel reke kiñe che duamnielu ñi montulngeal. Kiñeke che ayünole rume ñi montulngeal, iñchiñ eluwküleiñ taiñ kintual pu che ayünielu llemay (Mt 10:11-14).

Küla, ti doy falilu, taiñ amuldungun mu püramyekefiyiñ ta Jewba. Kidu müna falintukey taiñ amuldungun (Isa 43:10; Eb 6:10). Kafey, Chaw Jewba elukeeiñmu tañi newen taiñ wechurpual tüfachi küdaw. Feymu llemay, ngillatuafiyiñ ta Jewba taiñ eluaetew ayüwün, fey tüfa koneltuley tañi femkeel Chaw Ngünechen ñi newen pu che mew (Ga 5:22). Chaw Dios ñi kellun mu, kiñepülekünuafiyiñ taiñ fill rakiduamelkeetewchi dungu, fey amuldunguaiñ llükanon mu (Hch 4:31). Feymu taiñ lof mapu mu pu che allkütule kam femnole rume, fey ti amuldungun ayüwmayaeiñmu llemay (Eze 3:3).

PEFINGE TI VIDEO CHILLKATUAL KA RAKIDUAMAL WIÑO AYÜWELAEYMU, KA WIÑOLDUNGUNGE TI MÜLEYECHI RAMTUN:

• Alüñma amuldunguliyiñ rume fill küyen, ¿chumngelu müley taiñ doyümafiel ñi chillkatual?

• ¿Chumngechi inayentuafuiñ ta Maria?

• ¿Chumül am rakiduamkeymi Ngünechen ñi Dungu mu?

• Amuldungulmi ti kümeke dungu, ¿chem ayüwmanieeymu?