TAIÑ KRISTIANO MONGEN

Duamfali amuldungulelafiel ka kimeltulelafiel pu che ñi disipulungerpual

Jesus werküfi tañi pu inanieetew ñi kimeltulelafiel pu che ñi disipulungerpual (Mt 28:19). Taiñ femal tüfachi küdaw, müley taiñ amuldungucheal ka kimeltucheal. Feymu duamfali taiñ ramtuwal: “¿Chumngechi doy küme amuldunguafun ka kimeltuafun pu che ñi disipulungerpual?”.

AMULDUNGUCHEAL

Re üngümlayaiñ müten taiñ fülkontuaetew pu che, doy may eluwaiñ taiñ kintuafiel pu che “küme piwkengelu” (Mt 10:11). Amuldungulu iñchiñ, ¿eluwküleiñ taiñ nütramkayafiel pu che chew rume ñi mülen engün? (Hch 17:17, TNM). Pablo amuldungufilu am ta Lidia kom newen mu, kidu disipulungerpuy (Hch 16:13-15).

Samuel elufi kiñe papil ta Esekiel; Salomon ka Maria petu amuldungulelfi ta Esekiel ka Abigail — “Puliwentu nganaymi tami ketran, ka nagantü mu amulepe tami küdawmeken” (Ec 11:6)

PEFINGE TI VIDEO FENTEKÜNULAYAIÑ TAIÑ AMULDUNGUAL TI KÜMEKE DUNGU: CHEW TAIÑ MIYAWKEN KA FILL RUKA PÜLE, KA WIÑOLDUNGUNGE TI MÜLEYECHI RAMTUN:

Petu tañi duamngemeken Samuel, ¿chumngechi pengeli ñi yafüluwken ñi kimeltucheal chumül rume Chaw Dios ñi dungu?
¿Chumngelu müley taiñ koneltuleal fillke dungu amuldungun mew?
Petu tañi duamngemeken, ¿iney am amuldungulelafuiñ Ngünechen ñi dungu?

KIMELTUCHEAL

Taiñ kimeltulelafiel pu che ñi disipulungerpual, re wül-layaiñ müten papil kam lifru, doy may müley taiñ wiñopemetuafiel pu che ka kimeltulelafiel Biblia ñi dungu, femngechi ñi doy weniyerpuafiel ta Chaw Dios (1Ko 3:6-9). Newentuliyiñ taiñ kimeltulelafiel pu che, welu tüfa puwnole kidu ñi piwke mu, ¿chumafuiñ? (Mt 13:19-22). Eluwküleaiñ taiñ kintuafiel pu che küme piwkengelu (Mt 13:23; Hch 13:48).

Salomon ka Maria petu kimeltulelfi Biblia ta Esekiel ka Abigail; Esekiel ka Abigail amuldungukeyngu chew ñi rupaken alünke che — “Iñche ta kiñe nganlu reke, fey Apolu ta wütrukolu reke, welu Ngünechen may ta elukefi ñi tremael reke ti ngankeelchi fün ketran” (1Ko 3:6)

PEFINGE TI VIDEO FENTEKÜNULAYAIÑ TAIÑ AMULDUNGUAL TI KÜMEKE DUNGU: CHEW ÑI RUPAKEN ALÜNKE CHE KA KELLUCHEAL ÑI DISIPULO NGERPUAL, KA WIÑOLDUNGUNGE TI MÜLEYECHI RAMTUN:

Salomon ka Maria, ¿chumngechi kellufingu ta Esekiel ka Abigail ñi doy weniyerpuafiel ta Chaw Dios?
Fillke dungu amuldungun mew, ¿chem eluwküleiñ ñi femal wüldunguliyiñ rume chew ñi rupaken alünke che?
Fente falin-ngelu am kimeltucheal ti rüf dungu, ¿chem duamfali taiñ femal kiñeke mu?