Taiñ inanieafiel ta Jesus, ¿chem müley taiñ femal?

9:62

Ti wentru ketrapelu ti mapu wiñokintulekelafuy tañi nor ketrakünual. Ka femngechi iñchiñ, pu kristianongen, wiñokintulelayaiñ chem elkünuel taiñ poyeafiel Jewba (Fil 3:13).

Rupaliyiñ wedake dungu mu, “rume kümelkalefuy ñi mongen kuyfi” piafuiñ, fey re rakiduamafuiñ ñi chumlekefel taiñ mongen petu taiñ kimnofiel ta Jewba. Femün mu tüfa, müte akordakelaiñ taiñ wedake rupan, doy may re longkontukukeiñ taiñ kümeke rupan müten. Femngechi femingün pu israelche tripapalu Egipto mu (Nú 11:5, 6). Re rakiduamtukuliyiñ chumlekefel taiñ mongen, nieturpuafuiñ taiñ kuyfi mongen. Doy kümeafuy longkontukual kümeke dungu taiñ niekeel famülke mu ka fente taiñ kümelkalerpual Ngünechen ñi Ngünenien mu (2Ko 4:16-18).