Doy küme adümuwnge tami amuldungual: Adümfinge jw.org

CHUMNGELU FALIN-NGEY: Kom ti papil ka chillka mülelu tati Fillke kellu taiñ kimeltucheal nüwküley taiñ sitio jw.org. Kafey ti Tarjeta ñi doy kimal jw.org ka ti pichi papil ¿Chew peafuiñ manelfalchi ngülam? dewmangey ñi kelluafiel pu che ñi konal ti sitio internet jw.org. Tüfachi sitio mu werkülelafuiñ pu che kiñe correo electronico nielu fillke dungu ñi mülen tati Fillke kellu taiñ kimeltucheal, ka pengelelafuiñ engün chumngechi ñi kidutu entual. Tüfa doy kelluaeiñmu amuldungufiliyiñ kiñe che ka kewün dungulu. Kiñeke mu ramtungekeiñ kiñeke dungu ñi wiñoldungunoel ti papil ka chillka mülelu ti Fillke kellu taiñ kimeltucheal. Feymu femngechi rupaliyiñ, welu adümfiliyiñ ti sitio jw.org, doy küme amuldunguaiñ.

CHUMNGECHI ÑI FEMNGEAL:

• 

  Adümfinge ti trokiñ “BIBLIA ÑI KIMELTUKEEL”. Nütramkalelfilmi kiñe chaw ayüle ñi küme tremümafiel tañi pu yall, pengelelafuymi ti trokiñ BIBLIA ÑI KIMELTUKEEL > TI KUREWEN KA REÑMAWEN.

• Adümfinge ti trokiñ “FILLKE PAPIL”. Nütramkalelfilmi kiñe tami pu kompañ kolegio mu, pengelelafuymi ti papil Pu wechekeche ñi 10 ramtun tañi wiñoldungungeal. Kafey pengelelafuymi ti trokiñ FILLKE PAPIL > FILLKE PAPIL KA LIFRU.

• Adümfinge ti trokiñ “IÑCHIÑ TAIÑ DUNGU”. Nütramkalelfilmi kiñe chaf küdawfe chem taiñ feyentukeel, pengelelafuymi ti trokiñ IÑCHIÑ TAIÑ DUNGU > DOY RUPA ÑI RAMTUNGEKEEL.

PEFINGE TI VIDEO ADÜMFINGE JW.ORG, KA RAKIDUAMNGE CHEM TROKIÑ TAIÑ SITIO INTERNET KELLUAEYMU:

• Tami nütramkayal kiñe che feyentukenolu Biblia mu.

• Tami yafültukuafiel kiñe che rupalu kiñe fütra weda dungu.

• Tami kelluafiel kiñe kristiano amuldunguwenolu.

• Tami pengelal chumngechi kidutu kulliwkey taiñ küdaw.

• Tami kelluafiel kiñe katripanche ñi amual kiñe trawün wiñotule wüla tañi trokiñ mapu mu.