“Pablo [...] mañumtufi ta Ngünechen ka doy yafüluwtuy”

Pu peñi ka lamngen Roma mew mülelu kimürkey Pablo ñi küpalen, fey kiñe trokiñche miyawi 64 kilometro ñi trafyemeafiel. Femngechi pengelingün ñi kidutu duamuwkenon ka ñi piwkeyefiel ta Pablo. Fey tüfa, ¿chum duamelfi? Pablo pefilu engün “mañumtufi ta Ngünechen ka doy yafüluwtuy” (Hch 28:15). Pablo yafültukukefuy fillke trawünche tañi witranmakefiel. Welu feychi mu kidu ta duamniefuy ñi yafültukungeal, püresulelu kay (2Ko 13:10).

Ka femngechi famülke mu, pu witran-ngepakechi longkolelu witranmakefi fillke trawünche tañi yafültukuafiel. Welu iñchiñ reke, kiñeke mu pichi kansaleafuy, fill rakiduamküleafuy kam weñangküleafuy. Feymu akule tami trawünche mu kidu tañi domo engu, ¿chumafuymi tami yafültukuafiel, fey tamün rüf “welukonkechi yafüluwael”? (Rom 1:11, 12).

• 

  Koneltuaymi tati amuldungual chi trawün. Yafüluwülmi doy küdawelafiel ta Jewba ka koneltuleal fillke dungu mu ñi adkünungeel feychi semana, ti witran-ngepakechi longkolelu ayüwküleay ka küme duamküleay (1Te 1:2, 3; 2:20). Feychi küyen, eluwafuymi tami wüneleal amuldungun mew 30 kam 50 ora. Ramtuafuymi tati witran-ngepakechi longkolelu kam tañi domo: “¿Mür amuldunguafuyu?” kam “¿mür kimeltulelafuyu Biblia ta kiñe che?”. Rakiduamlayaymi: “Iñche, pichin tiempo yenien tañi amuldunguken, petu adümuwlan”. Kidu engu ayükey amuldungual kom pu peñi ka lamngen trawünche mew mülelu.

• 

  Küme llowafimi. Mangelafuymi ñi umayal kam imeal tami ruka mew. Femngechi pengelelafimi tami piwkeyeniefiel. Duamfalngelay tami afmatulafiel kam tami pepikayal ülmen-ngechi iyael (Lu 10:38-42).

• 

  Allkütuñmayafimi ñi ngülam ka inayafimi. Tati witran-ngepakechi longkolelu kellukeeiñmu taiñ doy küme küdawelafiel ta Jewba. Kiñeke mu, duamfalngeafuy taiñ ngülamtuaetew newen piwke mu (1Ko 5:1-5). Allkütufiliyiñ ka yamün mu eluwküleliyiñ taiñ adnieaetew, fey ayüwünkechi küdaway (Eb 13:17).

• 

  Pengelnge tami sakiniefiel. Feypiafimi tati witran-ngepakechi longkolelu tañi domo engu chumngechi tami kelluetew ñi femken engu. Femafuymi tüfa mülelmi kidu engu kam wirintukulelafuymi kiñe karta (Kol 3:15).