¿Chumngechi chillkatuafuiñ ti Biblia taiñ kümelkayaetew?

CHUMNGELU FALIN-NGEY: Kidutu chillkatufiliyiñ ti Biblia, küme adümafiyiñ tati rüf dungu (Ef 3:18). Kafey kidutu chillkatufiliyiñ ti Biblia küme yenieafiyiñ taiñ mongen ka weda kulpalayaiñ, doy may küme piwkentukunieafiyiñ “tati werken montuluwün dungu” (Fil 2:15, 16). Kakerumey taiñ rupameken ka taiñ chumken, feymu kidutu chillkatufiliyiñ ti Biblia, ngüneduamafuiñ chem dungu kelluafeiñmu kake kiñeke ta iñchiñ. Feymu chillkatufiliyiñ ti Biblia, ¿chumafuiñ taiñ doy kümelkayaetew tüfa?

CHUMNGECHI ÑI FEMNGEAL:

• Taiñ Biblia mu kam electronico rume niefiliyiñ, wirikünuafuiñ kiñeke versikulo taiñ doy ayüniefiel ka wirintukuafuiñ kiñeke rakiduam taiñ chillkatupeel.

• Petu papeltuliyiñ, ramtuwafuiñ: “¿Iney kay nütramkangekey tüfa mu? ¿Chem chumi? ¿Chew ka chumül rupay tüfa? ¿Chumngechi rupay tüfa? ¿Chumngelu am?”.

• Püneafiyiñ fillke kellun taiñ chillkatuafiel ti Biblia, femngechi doy kimafiyiñ ñi feypiel kiñe versikulo kam fillke dungu taiñ küpa kimürpufiel. Femngechi küme ngüneduamaiñ kom ti dungu.

• Rakiduamaiñ taiñ papeltun mu, femngechi kimürpuaiñ chumngechi taiñ kelluaetew.

• Inayaiñ taiñ kimürpuel taiñ mongen mu (Lk 6:47, 48).

PEFINGE TI VIDEO KIDUTU CHILLKATUFILIYIÑ TI BIBLIA, DOY KÜME PIWKENTUKUNIEAFIYIÑ, KA WIÑOLDUNGUNGE TI MÜLEYECHI RAMTUN:

• Kiñeke che küme chillkatukelu tati Biblia, ¿chem feypingün tañi chillkatun mew?

• ¿Chumngelu am duamfalngey ngillatukünual taiñ chillkatual?

• ¿Chem kelluaeiñmu taiñ doy küme adümafiel kiñe versikulo Biblia mew?

• ¿Chumafuiñ taiñ kimfalkünual kiñeke dungu taiñ chillkatupeel?

• ¿Chumngelu am müna falin-ngey taiñ rakiduamal chillkatun mew?

• ¿Chem müley taiñ femal taiñ kimürpuel chillkatun mew?