Eluwküleaymi tami trawüluwal pu weniyefilu ta Jewba

Kümey taiñ weniyeafiel tati pu poyekefilu ta Jewba, ¿chumngelu? Tüfa engün kelluafeiñmu taiñ femal kümeke dungu, welu ¿niefuliyiñ wedake kompañ kay? Kidu engün ngüchaltukuafeiñmu taiñ femal wedake dungu (Pr 13:⁠20). Ngüneduamaiñ ñi rupan tati longko ülmen Jehoas. Kidu eluwi tañi kelluaetew ti Longkolechi Saserdote Jehoiada, feymu kintukefuy ta Ngünechen ka kümeke dungu femfuy (2Cr 24:⁠2). Lalu Jehoiada, Jehoas eluwi tañi wedalkayaetew pu wedake kompañ, feymu famentufi ta Jewba (2Cr 24:⁠17-19).

Rupaleyechi tripantu, ti apostol Pablo trürümfi ti kristiano trawünche ta kiñe “fütra ruka”, ka trürümfi tati pu koneltulelu ti trawünche mu fillke chemkün ñi mülen feyti chi ruka mu. Fey küme lifkülele kiñe chemkün, fey ta küme pünengeay. Ka femngechi küme lifngele taiñ mongen, famentuafiyiñ tati pu che femkelu Jewba ñi üdekeel, koneltulele ti trawünche mu kam parienteyefiliyiñ rume (2Ti 2:⁠20, 21). Feymu llemay, weniyeafiyiñ feychi pu che poyekefilu ta Jewba, tüfa engün yafültukuafeiñmu taiñ poyeafiel ta Chaw Ngünechen.

PEFINGE TI VIDEO ¿CHEM KELLUAFEYMU TAMI FAMENTUAFIEL WEDAKE KOMPAÑ?, KA WIÑOLDUNGUNGE TI MÜLEYECHI RAMTUN:

• Ngüneduamnoliyiñ, ¿chumngechi weniyerpuafuiñ wedake kompañ?

• Feychi küla che tripalu ti video mu, ¿chem kellueyew ñi famentuafiel tati wedake kompañ?

• Eymi kay, ¿chem ngülam mülelu Biblia mew kelluafeymu tami küme dullial tami pu weni?