Ti kümeke dungu taiñ femafel, ngüyünentungelayay

Kom iñchiñ femafuiñ fillke dungu Jewba ñi duam mu, fey taiñ Chaw Dios turpu ngüyünentulayay tüfa. Kiñe poyen chaw falintukefi ti kümeke dungu ñi femürpuel tañi pu yall, feymu ngüyünentukelafi. Ka femngechi taiñ poyen Chaw Jewba turpu ngüyünentukelay ti kümeke dungu taiñ femkeel, ka taiñ piwkeyeniefiel tañi üy (Mt 6:⁠20; Eb 6:⁠10). Welu kom iñchiñ kakerume adümuwün niekeiñ ka fillke dungu rupakeiñ taiñ mongen mu. Femllefule, küdawelfiliyiñ ta Jewba kom taiñ piwke mu, ayüwküleaiñ llemay (Ga 6:⁠4; Kol 3:⁠23). Alünke tripantu mu, fentren peñi ka lamngen küdawkey Fetel mu. ¿Ayüafuymi küdawal Fetel mu kiñeke antü? Femnofulmi, yafültukuafuymi kakelu peñi kam lamngen ñi femal tüfachi küdaw. Kafey yafültukuafuymi kakelu peñi kam lamngen küdawkülelu Fetel mu ñi amuleal tüfachi falin küdaw.

PEFINGE TI VIDEO ELUWKÜLEAYMI TAMI KÜDAWAL FETEL MU, KA WIÑOLDUNGUNGE TI MÜLEYECHI RAMTUN:

• Kiñe peñi kam kiñe lamngen, ¿chem duam mu küdawafuy Fetel mu?

• ¿Chem feypikey kiñeke peñi kam lamngen ti kümeke dungu ñi llowkeel Fetel mu?

• ¿Chem müley ñi femal kiñe che ñi küdawal Fetel mu?

• ¿Chumafuymi tami elungeal ti formulario ñi küdawal Fetel mu?