¿Chem dungu mu müley taiñ rakiduamal?

Filipense 4:⁠8 ngülamtukeeiñmu: “Rakiduamkeaymün ta kom rüfngechi dungu mew, kom tati felelu ñi yamngeael, kom kümeke dungu, ka kom lifngelu, ka kom tutelu ñi ayüngeael, kom tati küme üytun dungu. Rakiduamkeaymün kom tati kümeke dungu mew ka ti püramyefalchi dungu”. Tüfachi dungu, ¿küpa feypipey may taiñ re rakiduamkiyawal Biblia ñi feypin mu? Femlay llemay. Welu may, kimeltukey chem dungu rume rakiduamliyiñ, ayüwülpe ta Jewba. Feley, kom taiñ rakiduamkeel ngelay taiñ katrütuaetew taiñ küme serfiafiel ta Jewba (Sl 19:⁠14).

Welu küdawtukeiñ taiñ famentuafiel wedake rakiduam, ¿chumngelu? Kom iñchiñ culpafe chengeiñ, kafey tati Weküfü ngüneniefilu kay ta tüfachi Mapu (1Jn 5:⁠19). Feymu fentren dungu taiñ pekeel television ka internet mu wedalkaley, ka femngechi feley fentren dungu taiñ allkütukeel radio mu ka taiñ papeltukeel. Kom tüfa welurakiduamelafeiñmu, fey femürpuafuiñ wedake dungu. Feymu kuñiwtukuwaiñ chem taiñ rakiduamken (San 1:⁠14, 15).

PEFINGE TI VIDEO FAMENTUAFIYIÑ TI WEDA DUNGU ÑI NGAÑWADELKEETEW TAIÑ NOR PIWKENGEN: TI WEDAKE ADNGELLUWÜN, KA WIÑOLDUNGUNGE TI MÜLEYECHI RAMTUN:

• 

  Tati peñi, ¿chumkefuy tañi celular mu? ¿Chumngechi wedalkaeyew tañi peel?

• 

  Ti peñi, ¿chumngechi kellueyew ñi feypin Galata 6:⁠7, 8 ka Salmo 119:⁠37?