Tati fillke ayüfalchi ül, ¿chem kimeltuafeiñmu?

Jewba ñi trokiñche entukey fillke ayüfalchi ül. Eymi doy ayüpelafimi kiñeke, ¿chumngelu? Pefiel mu ti video, “ka femngechi dungu mu rupaken iñche” pikeymi chi. Tati fillke ayüfalchi ül ñi mülen kakerumey chem ñi nütramkakeel ka ti musica ñi nieel, fey ñi ayüwmayal kake kiñeke pu che. Welu kom tüfa dewmangekelay re tañi ayüwülcheal müten.

Kake kiñeke ayüfalchi ül kelluafeiñmu taiñ doy küme yenieal taiñ cristiano mongen kam taiñ amuldungucheken. Tüfa kiñeke dungu taiñ kimürpuafel: taiñ küme llowchefengeal, taiñ kiñewküleal, taiñ küme weniyewal, taiñ newen piwkekünuwal, taiñ welukonke piwkeyewal ka maneluwal Jewba mu. ¿Ka chem kimürpuafuiñ? Ñi fente falin-ngen kümelkawtual Jewba iñchiñ, perdonachefengeal, fill antü nor piwke chengeal ka doy küme küdawelafiel ta Jewba. Ka wingkadungun mew, müley kiñe ayüfalchi ül kimeltueiñmu kom antü ñi pünenoafiel ti celular. Eymi kay, ¿ka chem dungu kimürpuymi ti fillke ayüfalchi ül ñi mülen?

PEFINGE TI VIDEO NIELU TI AYÜFALCHI ÜL PICHIÑMA MU AKUAY TI KÜME MÜLEWE, KA WIÑOLDUNGUNGE TI MÜLEYECHI RAMTUN:

• ¿Chem kümeke dungu peyeniewingu ti kurewen füchalelu? (Gé 12:⁠3).

• ¿Chumafuiñ taiñ doy maneluwküleal Jewba ñi femürpual tañi feypikünun?

• Pichiñma mu, ¿iney engün wiño petuafiyiñ?

• Longkontukuliyiñ ñi femal Chaw Dios ñi Gobierno, ¿chumngechi kelluaeiñmu taiñ newentuleal rupan wedake dungu mu? (Rom 8:⁠25).