TAIÑ CRISTIANO MONGEN
Petu ñi akunon Jewba ñi antü, fütra piwkekünuwaiñ
CHUMNGELU FALIN-NGEY: Küpalechi antü mew rupayaiñ fütrake dungu mu turpu taiñ pekenon, fey duamnieaiñ taiñ fütra piwkekünuwal ka maneluwal Jewba mu. ¿Chumül rupayay tüfa? Apümkangele tati koylake religion, fey ta konay tati fütra kutrankawün (Mt 24:21; Ap 17:16, 17). Feychi mew, re feypipelayafiyiñ tati pu che Jewba ñi apümkayafiel Weküfü ñi ngünenieel (Ap 16:21). Kafey Gog tuwlu Magog mu eluway taiñ apümkayaetew (Eze 38:10-12, 14-16). Fey, ¿chumay Jewba? Eluway ñi weychayafiel engün (Ap 16:14, 16). Feymu, fantepu mew eluwküleliyiñ taiñ fütra piwkekünuwal, ka femaiñ rupamekele kom tüfachi dungu.
CHUMAFUIÑ:
Llükakenon mu, ingkañpeaiñ ka inanieaiñ chem taiñ enseñaetew Jewba (Isa 5:20).
Amulepe taiñ poyeafiel Jewba kiñentrür taiñ pu peñi ka pu lamngen engün (Eb 10:24, 25).
Eluwküleaiñ taiñ inayal chem taiñ werküetew Jewba ñi trokiñche (Eb 13:17).
Küme rakiduamtukunieaiñ chumngechi Jewba montulfi tañi trokiñche kuyfi mew (2Pe 2:9).
Llellipunieafiyiñ ta Jewba ka maneluwküleaiñ ta kidu mew (Sl 112:7, 8).
PEFINGE TI VIDEO FILLKE DUNGU RUPALE, DUAMNIEAIÑ TAIÑ FÜTRA PIWKEKÜNUWAL (PICHI TROKIÑ), FEY WÜLA WIÑOLDUNGUNGE TI MÜLEYECHI RAMTUN:
Pu peñi ka pu lamngen feypingeyngün ñi wüdamngeal fey ñi trawüluwal ka trawünche mu, ¿chumngechi pengelingün ñi feyentuel?
Feyentuliyiñ doy eluwaiñ taiñ fütra piwkekünuwal, ¿chumngelu feypiafuiñ tüfa?
Akule ti Armagedon ¿chumngelu duamfalngeay taiñ fütra piwkekünuwal?
Fütra piwkekünuwliyiñ fewla, ka femaiñ küpalechi antü mew.
Jewba montulchekey, fey ¿chem nütramkan Biblia mew mülelu kelluafeiñmu taiñ maneluwal kidu mu? (2Cr 20:1-24).