TAIÑ CRISTIANO MONGEN
Koylake dungu feypiyawlayaiñ
Taiñ antü mew, internet, radio kam papel mu, pürüm kimngekey fentren dungu. Iñchiñ poyekefiyiñ ta Jewba, tati rüfngechi Ngünechen, feymu kuñiwtukuwkeiñ taiñ feypiyawnoal koylake dungu (Sl 31:5; Éx 23:1). Koylake dungu feypiyawliyiñ, rume wedalkacheafuiñ. ¿Chumngechi kimafuymi ñi rüfngen tami allkütuel? Ramtuwnge:
“Ti che tañi feypiyawün, ¿manelfalngepey may?”. Feyti che kimlay chi kom ti dungu ñi rupan. Kimnolmi chew chi tripay tami feypingeel, matu feyentulayaymi. Pu peñi nielu elfal küdaw ti trawünche mu, doyelchi may müley ñi kuñiwtukuwal tüfachi dungu mew. Kimnole engün ñi rüfngepen may kiñe dungu, feypiyawlayayngün.
“Tañi feypiyawngeel, ¿illamkachekey?”. Weda dunguyengele kiñe che, ka wiño nütramkalayaymi tami allküel (Pr 18:8; Fil 4:8).
“¿Feyentufali ti nütram?”. Re afmatufal dungu feypingelmi, pürüm feyentulayaymi.
PEFINGE TI VIDEO WEDA DUNGUYENGELE KIÑE CHE, ¡KATRÜTUFINGE!, KA WIÑOLDUNGUNGE:
Ñi feypin Proverbios 12:18, ¿chem rupayay küme rakiduamnoliyiñ taiñ feypial?
Küpa nütramkaliyiñ kakelu che mew, ¿chumngechi kelluafeiñmu ñi feypin Filipense 2:4?
Kiñe che eluwle ñi weda dunguyeal ta kakelu che, ¿chem chumaiñ iñchiñ?
Petu taiñ nütramkanon kakelu che mew, ¿chem ramtuwafuiñ?