Kiñewkülepe ti kurewen

Jewba müna falintukey ti kurewen, feymu ti füta ka ti domo müley ñi kiñewküleal (Mt 19:⁠5, 6). Jewba tañi trokiñche mu, müley fentren kurewen inayentufali ñi femkeel engün. Welu inayentufalngele rume engün, ka rupakeyngün küdawngechi dungu mew. Rupale femngechi dungu mu, ngelay ñi püntüwal kam wüdawal. Fey eymi füta, eymi domo, ¿chumafuymu tamu rumel kiñewküleal?

Tüfa femafuymu:

1. Kuñiwtukuwnge. Dakelkantukilnge ka adngelluwkilnge podngechi dungu mew (Mt 5:⁠28; 2Pe 2:⁠14).

2. Tamu kurewen-ngen mu eluwkülemu tamu doy weniyeafiel Jewba ka ayüwülafiel (Sl 97:⁠10).

3. Eluwkülenge tami inayentuafiel Jewba. Rakiduamaniefinge tami afkadi, fey pichiken dungu mew pengelelafimi tami piwkeyefiel (Kol 3:⁠8-10, 12-14).

4. Respetawaymu. Küme nütramkawaymu (Kol 4:⁠6).

5. Mür eymu chaf tuteniewaymu (1Ko 7:⁠3, 4; 10:⁠24).

Ti füta ka ti domo küme yeniele tañi kurewen, ayüwülafi ta Jewba.

PEFINGE TI VIDEO MÜLEY TAIÑ LEFAEL AFELUWNON MU: KÜME INAYAFIYIÑ ÑI CHUMKÜNUNGEN TI KUDEN, KA WIÑOLDUNGUNGE TI MÜLEYECHI RAMTUN:

• 

  ¿Chem küdawngechi dungu chaftuafuy pu kurewen?

• 

  Ti füta kam ti domo rakiduamle ñi piwkeyenoetew tañi afkadi, ¿chumngechi kelluafeyew Biblia ñi ngülam?

• 

  Jewba ñi feypin mu, ¿chem ngelay ñi femal pu kurewen?

• Ñi küme tripayal ti kurewen, ¿chem müley ñi femal ti füta ka ti domo?