Jehová norümchequei fente tañi piuqueyechequen

Jehová fente taiñ piuqueyeteu meu norümtucuqueiñmeu, femngechi taiñ cüme poyeafiel (Rom 12:⁠1; Eb 12:⁠10, 11). Quiñeque mu, müna huesa duamcüleafuiñ taiñ norümngen meu, huelu cüme llouliyiñ, müna cümelcaqueiñmu (Pr 10:⁠7). Feula inaduamafiyiñ quiñeque ngülam ñi inayal tati ngülamtufe ca tati llouquelu ti ngülam.

Ngülamtufe. Pu loncolelu, pu chau cam chem che rume ngülamtualu fempe piuqueyen mu ca yamün meu, chumngechi femquei ta Jehová (Jer 46:⁠28). Ca femngechi duamfalngele ñi nehuentun meu ngülamtungeal ca piuqueyen mu femngepe (Tit 1:⁠13).

Tati ngülamtungelu. Chumngechi ngülamtungeliyiñ rume, allcütuaiñ ca inanieaiñ taiñ feipingeel (Pr 3:⁠11, 12). Com iñchiñ huelulcauqueiñ, feimu duamnieiñ taiñ ngülamtungeal. Trahunche meu ngülamtungequeiñ. Huelu quiñeque mu duamfalngeafui quiñe troquiñ loncolelu taiñ norümaeteu. Felei llemai, allcütuliyiñ taiñ ngülamtungeel, cümelcayaeiñmu (Pr 10:⁠17).

PEFINGE TI VIDEO “JEWBA NORÜMKEFI PU CHE TAÑI PIWKEYENIEFIEL”, CA HUIÑOLDUNGUNGE TI MÜLEYECHI RAMTUN:

• 

  Tüfachi peñi, ¿chumi petu pichicalu? Huelu, ¿chem rupai amulen mu ta tripantu?

• 

  Jehová, ¿chumngechi norümtueyu?

• 

  Tüfachi peñi ñi rupan, ¿chem quimeleiñmu?