Duamtucheaiñ

Pu duamtuchequelu eluucülequeingün ñi adümal ñi chum duamcülequen tañi chafche. Cafei eluucüleingün ñi quimal tañi chem raquiduamqueel ca ñi duamtunieel tañi chafche. Pu che duamtuchequelu, ayüqueingün rüf piuque mu quellucheal. Jehová duamtuchequei ca piuqueyechequei. Feimu duamtufiliyiñ ta che amuldungun meu, inayentuafiyiñ ta Jehová. Fei pu che doi eluucüleai tañi fülmanieafiel ta Jehová (Flp 2:4).

Chumngechi allcütuqueiñ ca nütramcaqueiñ pengelafuiñ taiñ duamtuchequen. Falintuniefiliyiñ ta che, pengelaiñ taiñ duamtuchefengen. Cafei raquiduamaiñ tañi rupamequen meu ca yamnieafiyiñ tañi feyentun. Fei falinque dungu quimelelafiyiñ ta che, huelu obligaquelayafiyiñ ñi cacünual tañi mongen. Pefiel mu che ayülelu ñi quellungeal, rume ayühulqueiñmu amuldungual.

PEFINGE TI VIDEO QUELLUAFIEL PU CHE ÑI DISCIPULONGEAL AYÜHULQUEIÑMU: DOI CÜME ADÜMUHUAIÑ TAIÑ QUIMELTUCHEAL: DUAMTUCHEAIÑ, CA HUIÑOLDUNGUNGE TI MÜLEYECHI RAMTUN:

• 

  Tardeñmalu Jade, ¿chumngechi Ester pengelelfi tañi duamtuniefiel?

• 

  Jade ayülai chillcatual Biblia nielu cai fentren duam, fei ¿chumngechi Ester pengelelfi tañi duamtuniefiel?

• 

  Jade feipilu ñi pepi adcünuquenofiel fillque chemcün tañi nieel, ¿chumngechi Ester pengelelfi tañi duamtuniefiel?