Putremcülechi domo ñuque reque nieafimi ca pu üllchaque domo deya reque nieafimi

Biblia feipi mülei taiñ yamnieafiel pu peñi ca pu lamngen putremcülelu, femngechi poyeafiyiñ ñuque ca chau reque. Ca pu huechelelu ca femngechi poyeafiyiñ peñi ca lamngen reque (papeltunge 1 Timoteo 5:1, 2). Feimu llemai, pu peñi trahunche meu mülei ñi respetayafiel com pu lamngen.

Pu peñi ngelai ñi daquelcantuafiel pu lamngen, ca femnoal chem no rume ñi huesa duamelnoafiel engün (Job 31:1). Quiñe peñi cüpa curengenole, ngelai ñi daquelafiel quiñe lamngen, femngechi raquiduamel-layafi ñi curehuen-ngeal engu cüpalechi antü meu.

Quiñeque mu pu lamngen ramtuafui pu loncolelu, fei yamün meu pu loncolelu allcütuayu. Ca femngechi quiñe lamngen quimelelafui pu loncolelu quiñe dungu ñi rupamequen trahunche meu, fei pu loncolelu interesahun mu allcütuafui ti lamngen. Doyelchi mai pu loncolelu eluucüleaingün ñi quelluafiel pu lamngen nienolu füta (Rut 2:8, 9).

PEFINGE TI VIDEO TRAWÜNCHE MU PENGELAIÑ TI PIWKEYEWÜN TURPU AFKENOLU: PIWKEYEAFIYIÑ PU LANTULU KA PU KUÑIFALL, CA HUIÑOLDUNGUNGE TI MÜLEYECHI RAMTUN:

• 

  Huesa rupalu taiñ lamngen Myint, ¿chumngechi tati trahunche pengelelfi tañi rume piuqueyenieteu?

• 

  Ñi femün mu pu peñi ca pu lamngen Myint ñi lof mu püramyengei ta Jehová, ¿chumngelu feipiafuiñ tüfa?

• 

  Ñi femün pu peñi ca pu lamngen, ¿chumngechi quellufi Myint tañi pu püñeñ?

¿Chumngechi eimi pengelafuimi tami falintuniefiel pu lamngen trahunche mu?