TAIÑ CRISTIANO MONGEN

Quimeltucheal püneafimi chi lifru ¡Rumel ayüucüleaimi! pingelu

¡Rume ayüucüleiñ ñi tripan tati hue lifru ca folleto taiñ quimeltucheal! Ngillatuniefiyiñ ta Jehová doi alün che ñi conal quisu tañi troquiñche mu (Mt 28:18-20; 1Co 3:6-9). ¿Chumngechi pünengeai cai tüfachi hueque quellu?

Feula tañi tripan ti lifru ¡Rumel ayüucüleaimi! pingelu, cacünungetuai chumngechi taiñ quimeltucheal. Feimu petu pepicahulmi ruca mu ca petu quimeltufilmi ta che, loncontucuaimi tüfachi dungu:a

Papeltuaimu tati parrafo ca nütramcayaimu chem pin ti ramtun.
Papeltuaimu quiñeque troquiñ Biblia feipilelu “papeltuaimi” ca “papeltuaiñ”, fei quelluafimi ti che ñi adümafiel.
Peafimu ti video ca nütramcayaimu chem pin ti müleyechi ramtun.
Cümeafui tamu ngüneduamal quiñe quimeltun quiñe antü mu müten.

Amuldungun mu, hunelu mu eluafimi ta che ti folleto, femngechi quimaimi tañi rüf eluucülen ñi quimeltungeal (pefinge ti huichulechi dungu feipilelu: “Hue amuldungulelfilmi ta che, ¿chumngechi eluafuimi ti folleto ¡Rumel ayüucüleaimi!?”). Deu chillcatufilmu ti folleto ca ti che ayüle ñi doi quimal, eluafimi ti lifru ca ngüneduamaimu ti quimeltun 04. Cafei petu chillcatulelfilmi quiñeque che caquelu lifru cam folleto taiñ pünequeel, fentecünuaimi ca rupayaimi ti lifru ¡Rumel ayüucüleaimi! pingelu. Dullinge chem quimeltun mu amuleaimu tamu chillcatual.

Tüfachi curehuen petu pünefi chi lifru “¡Rumel ayüucüleaimi!” tañi chillcatulafiel ti huentru tañi ruca mu.

PEFINGE TI VIDEO AYÜHUN-NGEPE TAMI CHILLCATUNIEFIEL BIBLIA CA HUIÑOLDUNGUNGE TI MÜLEYECHI RAMTUN:

Pu che chillcatulelngele tüfachi hue lifru, ¿chem quimaingün?
Hue eluule ta che ñi quimeltungeal, ¿chumngelu cümeafui tami pengelelafiel tüfachi video?
Amulerpule ti che ñi chillcatufiel ti lifru, ¿chem cümeque dungu quelluafimi ñi femürpual? (Pefinge ti huifcülechi dungu feipilelu: “Chem ngüneduamngeai ca ñi femafel pu estudiaquelu”).

a QUIMAL DUNGU: Petu pepicahulmi, cüme inaduamnge ti troquiñ “Ca peafuimi” pingelu, ca raquiduamnge chem dungu doi quelluafeyu tati che tami chillcatulelquefiel. Fei dulliafuimi tamu trür chillcatuafiel cam feipiafuimi ti che tañi quisu inaduamafiel. Entufilmi ti folleto cam ti lifru tami electronico chemcün mu, pütafafuimi ti video ca fillque papel tami pürüm peafiel.

CHEM NGÜNEDUAMNGEAI CA ÑI FEMAFEL PU ESTUDIAQUELU
	QUIMELTUN	FALIN DUNGU	ÑI FEMAFEL TI ESTUDIAQUELU
1	1-12	Ngüneduamnge chumngechi quelluafeimu Biblia ñi ngülam. Ca ngüneduamnge inei eli tati Biblia.	Feipiafimi ti che ñi papeltuafiel ti Biblia, ñi pepicahual petu tañi chillcatunon ca tañi amual ti trahun mu.
2	13-33	Ngüneduamnge chem femi Chau Dios iñchiñ taiñ duam mu ca chumngechi ayüniei ñi püramyengeal.	Quelluafimi ti estudiaquelu ñi feipiafiel ta caquelu che chem ñi quimürpuel cafei ñi publicadorngerpual.
3	34-47	Ngüneduamnge chumngechi mongen mülei ñi yenieal pu poyequefilu ta Chau Dios.	Quelluafimi tati che ñi hultucual ñi mongen Jehová mu ca ñi fautizahual.
4	48-60	Quimaimi chem mülei tami femal tami piuqueyenieaeteu Chau Dios.	Quimeltuafimi ñi ngüneduamal chem ñi cümen ca chem ñi cümenon cafei ñi doi cüme hueniyeafiel Jehová.