¡Quimelelafiyiñ pu che pichiñma mu ñi huecünungetual ti Mapu!

Noviembre cüyen mu, doi amuldungucheaiñ pichiñma mu ñi huecünungetual ti Mapu (Sl 37:10, 11; Ap 21:3-5). Adcünuaimi tami tiempo tami doi amuldungucheal feichi cüyen. Coneltulmi ñi precursor auxiliarngeal feichi cüyen, dulliafuimi amuldungucheal 30 cam 50 hora.

Pepicahuaimi tami papeltuafiel com pu che quiñe texto Biblia mu mülelu nütramcalu ti hue Mapu mu. Dullilmi quiñe texto, raquiduamnge chem duamniei ñi allcütual ta pu che tami lof mu. Hue nütramcafilmi ti che ca ayüle doi quimal, eluafimi Ti Huerquen num. 2, 2021. Fei pürüm huiño dunguafimi ta che ca eluhuaimi tami quimelelafiel Biblia. Püneafimi ti folleto ¡Rumel ayüucüleaimi! pingelu. ¡Ayüucüleiñ taiñ quimelelafiel pu che taiñ ‘doi cüme feletual’! (Is 52:7).

PEFINGE TI VIDEO NIELU TI AYÜFALCHI ÜL PEYENIEWAIÑ TATI WE MAPU MU, CA HUIÑOLDUNGUNGE TI MÜLEYECHI RAMTUN:

• Ti pichi malen, ¿chem cümeque dungu peyeniei cüpalechi antü mu?

• ¿Chem ayüniefuimi tami femal ti hue Mapu mu?

• Raquiduamliyiñ ti hue Mapu mu, ¿chumngechi quelluaiñmu taiñ pepicaucüleal ñi doi amuldungual noviembre cüyen mu? (Lu 6:45).