CÜME QUIMELTUCHEFENGEAIÑ | AYÜHUNQUECHI AMULDUNGUAIÑ
Quimelelfinge pu chillcatuquelu quisutu ñi chillcatual Biblia
Pu chillcatuquelu Biblia falinque dungu quimeltungequeingün, huelu quisuque engün ca duamniei ñi quimürpual caquelu falinque dungu Biblia meu, femngechi doi quimafingün ca fülmanieafingün ta Jehová (Mt 5:3; Heb 5:12–6:2). Mülei ñi quimürpual chumngechi quisutu engün chillcatuafuingün Biblia.
Hue eluhulmi müten tami quimelelafiel Biblia ta quiñe che, quimelelfinge chumngechi quisutu pepicahuafui ñi chillcatual (mwb18.03 pag. 6). Feipifinge tami chillcatuquelu Biblia: “Petu tami quisu chillcatunon, hunelu ngillatufinge ta Ngünechen”. Quimelelfinge chumngechi peafui tati hueque dungu tripaquelu jw.org ca JW Broadcasting® meu. Pichiquen pichiquen quimelelfinge tati che chumngelu fente falin-ngei papeltuafiel Biblia fill antü, trahuluhual ca tañi quisutu chillcatual. Quellufinge tati pu che ñi raquiduamal tañi quimürpuel.
PEFINGE TI VIDEO QUELLUAFIYIÑ PU CHE TAIÑ QUIMELTULELQUEFIEL BIBLIA: TAÑI QUISUTU CHILLCATUAL BIBLIA, CA HUIÑOLDUNGUNGE TI MÜLEYECHI RAMTUN:
Ester, ¿chumngechi quellufi ta Jade ñi piuquentucual tañi quimürpuel?
¿Chem quellufi ta Jade ñi cümelu troquiafiel Jehová ñi raquiduamqueel cudumuhun dungu meu?
Quimelelfinge pu chillcatuquelu cheu peafuingün falinque quimeltun ca chumafuingün ñi inayafiel.
Jade, ¿chumngelu fente falinturpui tañi raquiduamal Jehová tañi ngülam meu?