TAIÑ CRISTIANO MONGEN
Quimelelfinge tami pu chau tami chem raquiduamcülen
Eimi hueche, ¿chumngelu cümeafui tami quimelelafiel tami pu chau chem raquiduam tami nieel piuque meu? (Pr 23:26). Jehová elfalcünulelfi pu chau tami cuidanieaeteu ca adnieteu (Sl 127:3, 4). Feimu quimelelnofilmi tami chum duamcülen ca raquiduamcülen, doi cüdaungeafui tami quelluaeteu ca quimürpulayafuimi falinque dungu ñi rupan engu tañi mongen meu. Huelu, ¿com tami raquiduamqueel mülei tami quimelelafiel tami pu chau? Femlayafui llemai. Huelu cuñiutucuucülenge tami ngünencamequenoafiel tami pu chau (Pr 3:32).
¿Chumngechi eluucüleafuimi tami nütramcayafiel tami pu chau? Cüme raquiduam meu elantücünunge tami nütramcayal. Cüdautulmi tami nütramcayafiel tami pu chau, huirilelafuimi quiñe carta tami chem raquiduamcülen. Tami pu chau cüpa nütramcaelmu quiñe dungu, huelu eimi ayüquelaimi tami nütramcayal, ¿chem chumafuimi? Quiñe caiñe reque troquinielayafimi llemai, doi mai quisu engu rume ayünieingu tami quelluaeteu. Fei eluucülelmi tami nütramcayal tami pu chau, rume cümelcangeaimi tami mongen meu (Pr 4:10-12).
PEFINGE TI VIDEO IÑCHIÑ PU HUECHEQUECHE TAIÑ RUPAQUEN: ¿CHUMNGECHI NÜTRAMCAYAFUN TAÑI CHAU, TAÑI ÑUQUE IÑCHIÑ?, CA HUIÑOLDUNGUNGE TI MÜLEYECHI RAMTUN:
¿Chem ngüneduamingu Esther ca Partik?
¿Chem quimeltuafeimu Jesús tañi femün?
Tami pu chau, ¿chumngechi pengelqueimu tami duamtunieteu?
Tami pu chau ayülei tami cüme amuleal.
¿Chem ngülam Biblia meu quelluafeimu tami nütramcayal tami pu chau engu?