Pepicaucüleaimi lahuentungefulmi

¿Chemu pepicaucüleafuiñ? Com iñchiñ cutranrumeafuiñ cam pitalconcülerumeafuiñ. Ayüliyiñ taiñ cüme quellungeal, mülei taiñ pepicaucüleal. Femngechi pengelaiñ taiñ yamquefiel taiñ mongen ca Jehová ñi feipin ti mollfüñ mu (Hch 15:28, 29).

¿Chumngechi pepicaucüleafuiñ?

• Llellipuafimi ta Jehová, fei cüme huirintucuafimi ti tarjeta DPA.a Pu peñi ca pu lamngen pediafuingün ti peñi cüdauquelu revista mu ñi eluaeteu feitachi tarjeta. Ca tati pu chau pediafuingün ti Tarjeta de identidad (ic) tañi pu pichiqueche mu.

• Eimi niepüñeñcülelmi, feipiafimi pu loncolelu tami eluaeteu ti papel Información para mujeres embarazadas (S-401). Tüfa quelluaimu tami cüme pepicaucüleal chem dungu rupale rume petu tami niepüñeñcülen cam choyüfilmi tami pichiche.

• Eimi duamniefulmi quiñe tratamiento, huelu niele mollfüñ cam duamniefulmi tami müleal ta pital mu, nütramcayafimi pu loncolelu. Ca feipiafimi ti cüdauquelu pital mu: “Iñche ayüfun tañi pepayaeteu quiñe Dunguquelu Ineingen Jehová.

¿Chumngechi quelluafui tati pu loncolelu? Quelluafeimu tami apolafiel tati tarjeta DPA. Quisu engün apolel-layaimu ti tarjeta, ca feipilayaimu tami chumal (Ro 14:12; Gál 6:5). Eimi feipifilmi tami pu loncolelu quiñe tratamiento niefule mollfüñ, fei engün feipiafingün tati Troquiñ huentru ñi quellual pu cutrancülelu pital mu (Comité de Enlace con los Hospitales).

¿Chumngechi quelluafui feitachi troquiñ huentru? Feitachi pu peñi nütramcaquefi pu doctor ca ti abogado iñchiñ taiñ testigongen llouquelaiñ mollfüñ. Ca feipiafingün tati doctor ñi püneafel caquelu tratamiento nienolu mollfüñ. Cam feipiafuingün tati pu doctor ¿mülepei mai caquelu doctor taiñ quelluafeteu?

PEFINGE TI VIDEO CÜME DULLINGE CHUMNGECHI LAHUENTUÑMANGEAL MOLLFÜÑ DUNGU MEU, CA HUIÑOLDUNGUNGE TI MÜLEYECHI RAMTUN:

• Tami peel video mu, ¿chumngechi quelluafeimu tami pepicaucüleal cutranrumelmi cam pitalconcülerumelmi?

  Tami feipial