TAIÑ CRISTIANO MONGEN

¿Pepicaucüleimi doi cüdaungele taiñ mongeluhuam?

Fachantü com mapu mu huesalcalei, quiñeque mu doi cüdautuafuiñ taiñ nieal taiñ duamnieel. Feita afmatulquelaeiñmu, ¿chemu? Quimnieiñ ñi mülen afaelchi antü mu, ca Biblia feipieiñmu “ngelai ñi maneluhual ti falinque fillem mu” (1Ti 6:17; 2Ti 3:1). Doi cüdaungele taiñ mongeluhual, ¿chumngechi quelluafeiñmu ñi femün Jehosafat taiñ pepicaucüleal?

Tañi pu caiñe quehuatumeteu, Jehosafat maneluhui Jehová mu (2Cr 20:9-12). Jehosafat ca pepicaufui: cüme elcünufi chi huaria ca pepicafi tati pu soltau ñi chumal engün (2Cr 17:1, 2, 12, 13). Iñchiñ mülefui taiñ maneluhual Jehová mu ca pepicahuafuiñ petu taiñ rupanon huesaque dungu Jehosafat reque.

¿CHUMNGECHI PEPICAUCÜLEAFUIÑ DOI CÜDAUNGELE TAIÑ MONGELUHUAM?

Doi hueniyeafiyiñ Jehová. Ayüucüleaimi chumte tami nieel ca maneluucüleaimi Jehová tami eluaeteu tami duamnieel (Mt 6:26; 1Ti 6:8). Eluucüleaiñ taiñ famentunoafiel Biblia ñi feipin nienofuliyiñ rume taiñ duamnieel (Ro 2:21). Raquiduamaiñ chumngechi taiñ papeltuafiel Biblia ca publicacion ngenofule luz cam internet. Taiñ ruca mu, elcünuafuiñ chi quiñeque revista taiñ papeltual. Ca petu taiñ nien internet, nacümcünuafuiñ chi quiñeque publicacion taiñ papeltual.

Cüme püneafuiñ taiñ plata taiñ pepicaucüleal. Petu tañi rupanon doi cüdaungechi dungu, defecaucülelayaiñ ca ngünamcalayaiñ taiñ plata (Pr 22:7). Guardacünuafuiñ iyael ca caquelu duamfalchi chemcün. Quiñeque che huertaquei, femngechi tañi doi gastanoal ta plata.

PEFINGE TI VIDEO PETU ÑI RUPANON QUIÑE FÜTRA HUESA DUNGU, ¿CHUMNGECHI PEPICAUCÜLEAIÑ?, CA HUIÑOLDUNGUNGE TI MÜLEYECHI RAMTUN:

Adentun tripalu ti video “Petu ñi rupanon quiñe fütra huesa dungu, ¿chumngechi pepicaucüleaiñ?”. Mülei quiñe Biblia, carpa ca quiñe telefono, ca mülei cüdaufe.

¿Chumngechi pepicaucüleafuimi ruparumele huesa dungu mu?

Tami feipial

Adentun tripalu ti video “Petu ñi rupanon quiñe fütra huesa dungu, ¿chumngechi pepicaucüleaiñ?”. Pu peñi cüdaumequeingün. Quelluntucuqueingün ñi deumayal ruca ca yeafiel materiales quiñe camion mu.

¿Chumngechi pepicaucüleafuimi tami quelluafiel ta caquelu?

Tami feipial