TAIÑ CRISTIANO MONGEN

Quelluafimi feyentuquenochi pu che ñi quimafiel ta Dios

¿Quiñeque mu huitrautuimi tami amuldungulelafiel quiñe che feyentuquenolu Dios mu cam conquenolu religion mu? Allcütulayaeneu ¿pipelaimi? Femngechi dungu mu rupalmi, acordanienge: fentren peñi ca lamngen cuifi conquelafuingün religion mu ca ngelai ta Dios piquefuingün, huelu feyenturpuingün. Quiñeque engün re duamnieingün quellu. Femngechi quimafuingün ñi rüf mülequen ta Chau Dios (Ro 1:20; 10:14).

PEFINGE TI VIDEO PU CHE FEYENTUQUENOLU FEYENTURPUAFUI: PU CONELTUQUENOLU RELIGION MU, CA HUIÑOLDUNGUNGE TI MÜLEYECHI RAMTUN:

Tommaso ñi rupan, ¿chumngechi quelluafeimu eimi tami amuldungulelafiel pu che conquenolu religion mu?

Huiñoldungun

Chumafuimi

Ti che feipile ñi feyentunon Chau Dios mu, duamtufinge, cüme nütramcafinge ca allcütuafimi ñi feipin (2Ti 2:24). Raquiduamnge chem dungu ñi ayüfiel ti che. Ti che eluule ñi quimal ñi mülepen mai quiñe Dios deumalu com, fei pengelelafimi quiñeque publicacion ca video ñi quelluafiel ti che. Por ejemplo, ti epu folleto ¿Es la vida obra de un Creador? ca El origen de la vida. Cinco cuestiones dignas de análisis. Tüfachi epu papel feula concülei ti fillque quellu taiñ quimeltucheal, femngechi matu peafuimi.

Ellaca mu, llicayafuimi chi tami nütramcayafiel quiñe che feyentuquenolu Chau Dios mu. Feimu feipiafimi quiñe quim peñi cam lamngen tami quelluaeteu. Ca acordanienge: ti che feyentunole rume Chau Dios mu, huelu cüme piuque niele, fei Jehová quelluaimu tami puhual ti che ñi piuque mu (Hch 13:48).