¿Chumngechi kelluafuiñ pu estudiakelu Biblia ñi fautizawal? (Trokiñ 2)

1. ¿Chumngelu fente falin-ngey kelluafiel ta che ñi discipulo ngerpual?

JESUS feypieiñmu taiñ kelluafiel ta che ñi discipulo ngerpual, fey ñi fautizawal engün (Mat. 28:⁠19, 20). Ti che ayünielu tañi montuluwal müley tañi fautizawal, feymu rume falin-ngey tañi femngechi femal. Pedro feypi “ti fautizawün tamün montulnieetew Jesukristo tañi wiñomongetun mew” (1 Ped. 3:⁠21, TNM). Feymu pu küpa fautizawlu kimniey tañi montuluwal, müley ñi feyentual Jesus tañi lan mu ka ñi wiñomongetun mu. Fautizawün mu ta che, maneluwürpuafuy ñi rumel mongeleal, feymu rume falin-ngey kelluafiel ta che ñi fautizawal.

2. Ñi feypin 2 Timotew 4:⁠1, 2, ¿chumngechi müley taiñ kimeltucheal?

² Taiñ kelluafiel ta che ñi discipulo ngerpual, müley taiñ rume küme kimeltucheal (papeltunge 2 Timotew 4:⁠1, 2). Jesus feypi taiñ kimeltuafiel ta che ñi discipulo ngerpual, feymu rume falin-ngey taiñ küme kimeltucheal. Pablo ka feypi taiñ küme amuleal taiñ kimeltuchen mew, femngechi taiñ kidu montuluwal iñchiñ ka taiñ pu allkütukeetew (1 Tim. 4:⁠16). Feymu llemay müley taiñ rume küme kimeltucheal, fey ñi discipulo ngerpual engün.

3. ¿Chem ngüneduamaiñ tüfachi chillkatun mu?

³ Wall Mapu püle enseñalkefiyiñ Biblia ta fentren che. Chumngechi ngüneduamiyiñ rupachi chillkatun mu, ayünieiñ taiñ doy küme kelluntukuafiel che tañi fautizawal. Tüfachi chillkatun mu, peaiñ kakelu kechu ngülam taiñ kelluaetew taiñ femngechi femal.

BIBLIA MEW TRIPAPE TAIÑ KIMELTUN

4. Pu kimeltuchekelu, ¿chumngelu müley ñi ngünewal tunte tañi dungual? (Inaduamnge ti kimal dungu).

⁴ Falintukefiyiñ ka ayüwkeiñ taiñ kimelelafiel Biblia ta che, feymu kiñeke mu rume nütramkayafuiñ chi, welu müley taiñ ngünewal. Feychi peñi adniekelu Ti Werken ka ti Chillkatun Biblia Trawünche mu ka pu kimeltuchekelu müley tañi rume nütramkanoal engün, feymu müley taiñ ngünewal tunte taiñ dungual. Feypikelayaiñ kom taiñ kimürpun, femngechi iñchiñ mew müten tripalayay ti kimeltun dungu, doy may Biblia mew (Juan 16:⁠12).⁠b Fautizawlu iñchiñ, pichin müten kimpelafuiñ Biblia, welu fewla fentren dungu kimürpupelaiñ (Eb. 6:⁠1). Fentren tripantu rupay taiñ küme kimürpuafiel ta Biblia, feymu kom kimeltulayafiyiñ tati estudiamekelu.

5. 1) Ñi feypin 1 Tesalonisense 2:⁠13, ¿chem müley ñi kimürpual pu estudiakelu? 2) ¿Chumngechi kelluafuiñ pu estudiakelu taiñ nütramkayaetew chem ñi kimürpun?

⁵ Pu estudiamekelu müley ñi kimürpual Biblia mew tripay taiñ enseñamekefiel (papeltunge 1 Tesalonisense 2:⁠13). ¿Chumngechi femürpuafuiñ? Feypiafuiñ tati estudiamekelu taiñ nütramkayaetew chem tañi adümel. Iñchiñ kellukefiyiñ tati estudiakelu ñi adümal chem pin ta Biblia, welu kiñeke mu ramtulelafuiñ: “¿Chem pimi? ¿Chumngechi adümfimi tüfachi versiculo?”. Kelluafiyiñ tati estudiakelu ñi ngüneduamal chumngechi inayafuy Biblia ñi ngülam tañi mongen mu (Luka 10:⁠25-28). Dew ñi papeltungeel kiñeke texto, ramtulelafuiñ tati estudiamekelu: “Tami peel tüfachi texto mu, ¿chem kimeltueymu Jewba mu? ¿Chumngechi kümelkayafeymu feytachi kimeltun? Kimürpufilu eymi feytachi dungu, ¿chum duami tami piwke?” (Prov. 20:⁠5). Femngechi ramtun entuliyiñ, kimafuiñ chem ñi rakiduamkeel ti estudiamekelu. Falin-ngefuy ñi nieal kimün ti estudiamekelu, welu doy falin-ngey ñi falintuafiel ka inayafiel chem tañi kimürpuel.

6. Enseñacheliyiñ, ¿chumngelu kümeafuy taiñ compañaetew kiñe peñi kam lamngen doy adümuwlu?

⁶ Kimeltucheliyiñ, mangelafuiñ kiñe peñi kam kiñe lamngen doy adümuwlu taiñ compañaetew. Dewle ti estudio, ramtuafuiñ taiñ compañ: “¿Kümepey may chumngechi tañi enseñamekefiel tati che? ¿Eluwkepen may Biblia mew ñi tripayal tañi kimeltun?” piafuiñ. Ñom piwke mu eluwaiñ taiñ ngülamtungeal, femngechi müten doy küme kimeltucheafuiñ (ka ngüneduamafuymi Hecho 18:⁠24-26). Ka ramtuafuiñ taiñ compañetew: “¿Chem pimi kay? Tati estudiamekelu, ¿adümkepey may Biblia ñi kimeltun?”. Kañpüle tripaliyiñ kiñe semana kam doy tiempo, feypiafuiñ feychi peñi kam lamngen ñi pemeafiel tati estudiamekelu. Femngechi tati che estudiayay fill semana, fey ngüneduamay fente ñi falin-ngen tañi estudiayal. Longkontukunieaiñ: iñchiñ ngen estudiante ngelaiñ, doy may ayünieiñ ti estudiakelu ñi doy küme kimürpuafiel ta Jewba.

PENGELAIÑ TAIÑ FALINTUKEFIEL KA FEYENTUKEFIEL TAIÑ KIMELTUKEEL

7. Tati estudiakelu, ¿chumngechi doy falinturpuafuy Biblia ñi kimeltun?

⁷ Pengelelafiyiñ tati estudiakelu iñchiñ taiñ falintukefiel ka rüf feyentukefiel Biblia ñi kimeltun, femngechi ti estudiakelu doy falintuafi tañi kimürpuel Biblia mu (1 Tes. 1:⁠5). Ka feypiafuiñ chumngechi taiñ kellukeetew Biblia tañi ngülam, femngechi “iñche ka kelluafenew Biblia” piafuy tati estudiakelu.

8. 1) ¿Ka chem chumafuiñ taiñ kelluafiel ti estudiakelu Biblia? 2) ¿Chemu kümeafuy taiñ femngechi femal?

⁸ Nütramelkeafiyiñ pu estudiakelu Biblia ñi chem chumün kiñeke peñi ka lamngen rupalu ka femngechi dungu mew. Trawünche mu fentren peñi ka lamngen rume küme kelluafuy tati estudiakelu Biblia, feymu feypiafiyiñ taiñ compañaetew. Ka femngechi pengelelafuiñ tati estudiakelu Biblia kiñeke rupan dungu mülelu jw.org mu,⁠c femngechi kimürpuay fente ñi kümen ñi inangeal Biblia tañi ngülam.

9. ¿Chumngechi kelluafuiñ tati estudiakelu Biblia ñi nütramkayafiel ta kakelu che chem tañi kimürpun?

⁹ Kurengele kam fütangele tati estudiamekelu, ka kümeafuy tañi ka estudiayal tañi afkadi. Feymu mangelafuiñ tañi konpayal petu taiñ estudiameken. Ka feypiafuiñ tati estudiakelu ñi nütramelafiel tañi pu che ka tañi pu weni chem tañi kimürpuel (Juan 1:⁠40-45). Taiñ pepikayafiel ti estudiakelu ñi küme kimeltucheal, feypiafuiñ: “Feytachi kimeltun taiñ estudiameken, ¿chumngechi enseñalelafuymi kiñe tami pu che? ¿Chumngechi pengelelafuymi kiñe weni ñi rüfngen tüfachi kimeltun? ¿Chem texto papeltulelafuymi?”. Pepikawkülele ti estudiakelu, elungeafuy tañi amuldungual ti trawünche mu. Ka ramtuafuiñ tati estudiakelu: “¿Kimniepelaymi may kiñe che ayüfulu chi tañi estudiayal Biblia?”. “May” pile tati estudiakelu, pemeafiyiñ feychi che, “¿ayüpelayafuymi may tayu estudiayal Biblia?” pimeafiyiñ. Fey pengelelafuiñ ti video Kiñe chillkatun Biblia mu, ¿chem dungu rupakey?⁠d

KELLUAFIYIÑ PU ESTUDIAKELU ÑI PEAL WENI TI TRAWÜNCHE MU

10. Ñi feypin 1 Tesalonisense 2:⁠7, 8, ¿chumngechi inayentuafuiñ Pablo ñi femün?

¹⁰ Müley taiñ duamnieafiel tati pu estudiakelu Biblia, pichiñma mu ka konürpuafuyngün Jewba tañi trokiñche mu (papeltunge 1 Tesalonisense 2:⁠7, 8). Pu estudiakelu Biblia müley ñi elkünual tañi pu kuyfike weni ka müley ñi fill dungu mew ñi norümtual tañi mongen. Tüfa küdawngey llemay. Feymu müley taiñ kelluafiel tati estudiakelu ñi peal kümeke weni trawünche mu. Re enseñalkelayafiyiñ müten ta Biblia tati che, rüf weniyekeafiyiñ. Mütrümafuiñ, mandalelafuiñ mensaje, pentukumeafiyiñ ka fillke dungu femafuiñ, femngechi pengelelafiyiñ taiñ rüf duamniefiel.

11. 1) ¿Chem ayünieiñ pu estudiakelu ñi peal pu trawünche mu? 2) ¿Chemu kümeafuy tañi femngechi femal engün?

¹¹ Kelluwün mu tripakey dungu, feymu kom ti trawünche müley ñi kelluntukual ñi fautizawal kiñe che. Feymu kümeafuy pu kimeltuchekelu ñi kelluafiel tati estudiakelu ñi kimafiel kakelu peñi ka lamngen ti trawünche mu. Jewba tañi trokiñche rume kelluafuy tati estudiakelu ñi weniyeafiel ta Jewba ka yafültukungeafuy rupafule wedake dungu mu. Kelluafiyiñ pu estudiakelu ñi küme duamküleal ti trawünche mu. Pengelelafiyiñ taiñ falintukefiel ka duamniefiel engün, ka ñi nieel fentren peñi ka lamngen ñi piwkeyenieetew ti trawünche mu. Femngechi müte küdawtulayay ñi elkünutual tañi pu wedake weni (Prov. 13:⁠20). Ka kidukünueliyew tañi pu kuyfike weni, tati estudiakelu kimay ñi nien kümeke weni ti trawünche mu (Mar. 10:⁠29, 30; 1 Ped. 4:⁠4).

FEYPIAFIYIÑ TI ESTUDIAKELU FENTE ÑI FALIN-NGEN TI FAUTIZAWÜN

12. ¿Chemu feypiafiyiñ pu estudiakelu fente ñi falin-ngen wültukual ñi mongen Jewba mu ka ñi fautizawal?

¹² Iñchiñ enseñalkefiyiñ Biblia ta che tañi fautizawürpual engün, feymu fentren rupa feypiafiyiñ pu estudiakelu fente ñi falin-ngen wültukual ñi mongen Jewba mu ka ñi fautizawal. Dew yeniele ti che kiñeke küyen ñi estudiameken ka dew trawüluwmekele, feypiafiyiñ taiñ enseñalmekefiel Biblia ñi koneltual Jewba tañi trokiñche mu.

13. ¿Chem müley ñi femal ti che tañi fautizawürpual?

¹³ Pu estudiamekelu küpa fautizawlu fillke dungu femürpukey. Kimürpukefi ta Jewba, piwkeyerpukefi ka maneluwkey ñi Wenu Chaw mu (Juan 3:⁠16; 17:⁠3). Weniyerpukefi ta Jewba ka pu peñi ka pu lamngen ti trawünche mu (Eb. 10:⁠24, 25; Sant. 4:⁠8). Tati estudiakelu arrepentiwkey ka femwetukelay wedake dungu (Hecho 3:⁠19). Kafey nütramelkefi ta kakelu che chem tañi feyentunien (2 Kor. 4:⁠13). Fey wültukukey ñi mongen Jewba mu ka fautizawkey (1 Ped. 3:⁠21; 4:⁠2). Rume ayüwün-ngey feychi antü ñi fautizawün pu estudiakelu. Rume falin-ngey pu estudiakelu ñi femal kom tüfachi dungu tañi fautizawal. Femle, sakiafiyiñ ka yafültukuafiyiñ ñi amulnieal tañi küme femmeken.

NGÜNEDUAMNIEAFIYIÑ TUNTE ÑI KÜDAWKÜLEN TI CHE TAÑI FAUTIZAWAL

14. ¿Chumngechi ngüneduamafuiñ ñi rüf ayülen ti che ñi poyeafiel ta Jewba?

¹⁴ Nieaiñ paciencia taiñ kelluafiel tati estudiakelu ñi wültukual ñi mongen Jewba mu ka ñi fautizawal. Welu ka femngechi müley taiñ ngüneduamal ñi rüf ayülepen may ti che ñi poyeafiel ta Jewba. Ramtuwaiñ: “Ti estudiakelu, ¿rüf eluwkepey may ñi inayal Jesus tañi ngülam? Kam, ¿re ayüniey müten ñi estudiayal tati Biblia?”.

15. ¿Chumngechi kimafuiñ tunte ñi küdawkülen ti estudiakelu tañi fautizawal?

¹⁵ Müley taiñ ngüneduamnieafiel chumngechi ñi amulen ti estudiakelu ñi weniyerpufiel ta Jewba, feymu ramtuwafuiñ: “Tañi feypin mu, ¿pengelkepey may ñi piwkeyeniefiel ta Jewba? ¿Llellipukepefi may ta Jewba?” (Sal. 116:⁠1, 2). “¿Ayükepey may ñi papeltual Biblia?” (Sal. 119:⁠97). “¿Amukepey may trawün mu?” (Sal. 22:⁠22). “¿Petu norümkünupey may tañi mongen?” (Sal. 119:⁠112). “¿Nütramkakepefi may tañi pu che ka tañi pu weni chem tañi kimürpuel?” (Sal. 9:⁠1). “¿Rüf ayükepey may ñi konal Jewba tañi trokiñche mu?” (Sal. 40:⁠8). Tati estudiamekelu femnole tüfachi dungu, ngüneduamaiñ chemu tañi femnon. Küme nütramkayafiyiñ rüf piwke mu taiñ kelluafiel.⁠e

16. ¿Tunten mu kümeafuy taiñ fentekünual taiñ enseñalmekefiel Biblia ta kiñe che?

¹⁶ Kiñeke mu kümeafuy chi taiñ fentekünuafiel taiñ enseñalelmekefiel Biblia ta kiñe che. Taiñ kimal tüfa, kiñeke rupa ngüneduamaiñ: “Tati estudiakelu, ¿pepikawkelay tañi estudiayal? ¿Ayükelay ñi trawüluwal Jewba ñi pu che engu? ¿Fentekünukelay ñi wedake wimtun? ¿Petu konküley koylake religion mu?”. Femngechi femle tati che, re ngünam enseñalelmekefiyiñ Biblia. Feychi estudiakelu trürümngeafuy ta kiñe che enseñalelngelu ñi tukual, welu ayükelay tañi podümuwal. Tati che falintunofile tañi kimürpuel ka ayünole tañi küme elkünutuafiel tañi mongen, kümeafuy chi taiñ fentekünual taiñ enseñalkefiel Biblia.

17. Ñi feypin 1 Timotew 4:⁠16, ¿chem müley taiñ femal kom iñchiñ pu kimeltuchekelu?

¹⁷ Rume falintukeiñ taiñ kimeltuchefe ngen, fey rume ayünieiñ kelluafiel ta che ñi fautizawal. Feymu Biblia mew entukeiñ taiñ kimeltun ka pengelelkefiyiñ ti che tunte iñchiñ taiñ falintukefiel ka feyentukefiel Biblia tañi dungu. Kelluafiyiñ pu estudiakelu ñi peal kümeke weni trawünche mu. Feypiafiyiñ tati che fente ñi falin-ngen wültukual ñi mongen Jewba mu ka ñi fautizawal. Fey ngüneduamaiñ chumngechi ñi amulen ti che ñi poyemekefiel ta Jewba. (Inaduamnge ti wichulechi dungu “Pu kimeltuchekelu, ¿chumngechi kelluafuy pu estudiakelu ñi fautizawal?”). Ayüwünkechi konkeiñ feytachi küdaw mu taiñ kelluntukuafiel che tañi montuluwal. Feymu llemay kom taiñ newen mu kelluafiyiñ pu estudiakelu Biblia tañi fautizawal.