¡Huehuafiyiñ tati üdehun!

Femngechi rupanolmi, eimi ¿pequefimi chi caquelu che ñi üdengequen? Fill püle allcüqueiñ ñi üdengequeel ta che tañi catripanchengen mu, tañi ca tuhun-ngen mu cam tañi homosexualngen mu. Feimu lle pu gobierno nentumequeingün fillque ley ñi castigayafiel feiti pu che huesalcaquefilu ta caquelu ñi üdehun meu.

Epe com tati pu che cutrancauquelu ñi üdengen meu ca femngechi eluucüleingün ñi üdeafiel ca huesalcayafiel ta caquelu pu che. Femngechi doi tremcülerpuquei ti üdehun.

Tati pu che üdengequelu lucatungequei, ayentungequei ca illamcangequei. Huelu fei ca müten no, ca femngechi tati pu che üdengequelu hulelcangequei, quehuatungequei, hueñeñmangequei tañi chemcün ca lamngümngequei cütu.

Tüfachi revista mu ngüneduamngeai cüla ramtun quelluafulu ñi ngehuenoal üdehun.

• ¿Chumngelu am fente üdeuquei pu che?

• ¿Chumngechi apümngeafui ti üdehun?

• ¿Acupeai mai chi antü ñi ngehuenoal üdehun?