Püneafiyiñ Biblia quiñe espejo reque

Tati discipulo Santiago trürümfi ti Biblia quiñe espejo mu, tüfa mu peafuiñ taiñ chumngechi chengen (Sant. 1:22-25). ¿Chumngechi püneafuiñ Biblia espejo reque?

Cüme ngüneduamaiñ taiñ papeltuqueel. Matu peuliyiñ espejo mu, pelayafuiñ taiñ cüme adcülenon. Ca femngechi matu papeltufiliyiñ Biblia, pelayafuiñ chem taiñ cüme elcünutual. Ñochiquechi ngüneduamaiñ Biblia taiñ norümtuhual.

Quisutu ngüneduamuhuaiñ taiñ norümtuhual. Adquintuulu iñchiñ espejo mu, ca peafuiñ tati miyaulu inafül, fei ngüneduamafuiñ ñi cüme adcülenon, huelu iñchiñ ngüneduamuulaiñ. Ca femngechi papeltulu Biblia iñchiñ, re ngüneduamliyiñ caquelu ñi norümtuhual, quellulayaiñmu iñchiñ taiñ norümtuhual.

Cüme raquiduam nieaiñ. Adquintuuliyiñ espejo mu, ngüneduamliyiñ re taiñ huesa adcülen, huesa duamaiñ. Cüme raquiduam nieaiñ papeltufiel mu Biblia, turpu huelulcaulayaiñ feipilayaiñ, Jehová feipiquelaeiñmu taiñ turpu huelulcaunoal.