Pepicayaiñ taiñ piuque

Papeltufiliyiñ Biblia, ayüqueiñ puhual taiñ piuque mu Jehová tañi raquiduam. Inayentuafuiñ Esdras, fei “pepicacünufi ñi piuque tañi ngüneduamal Jehová ñi ley” (Esd. 7:10). ¿Chumngechi inayentuafuiñ taiñ pepicayal taiñ piuque?

Ngillatuaiñ. Petu taiñ papeltunon, feipiafiyiñ Jehová taiñ quelluaeteu taiñ pepilafiel ca inanieafiel taiñ quimürpuel (Sal. 119:18, 34).

Ñom piuquengeaiñ. Dios ellcafi ñi dungu pu che trencül piuquengelu ca quisutu maneluuquelu (Luc. 10:21). Papeltulayaiñ taiñ re afmatulelafiel caquelu pu che. Papeltumequeliyiñ, ngüneduamliyiñ taiñ huelulcahun, ñom piuque mu norümtuafiyiñ taiñ huelulcan.

Allcütuaiñ ülcantun ñi püramyeafiel Jehová. Tati ül puuquei piuque mu. Allcütuliyiñ tüfachi ülcantun petu taiñ papeltunon, doi quelluaiñmu taiñ raquiduamal Jehová mu, femngechi ti quimeltun puhuai piuque mu.